ചിത്രകൂട്: ത്തർപ്രദേശിലെ ചിത്രകൂട് ജില്ലയിലുള്ള സർക്കാർ പ്രൈമറി സ്കൂളില് നിന്നും പുറത്തുവന്ന ദൃശ്യങ്ങള് വിദ്യാഭ്യാസ മേഖലയെ ഒന്നടങ്കം ഞെട്ടിച്ചിരിക്കുകയാണ്.
ക്ലാസ് മുറിക്കുള്ളില് തറയില് പായ വിരിച്ചു കിടക്കുന്ന അധ്യാപികയുടെ കൈകാലുകളും പുറവും കൊച്ചു കുട്ടികള് ചേർന്ന് തിരുമ്മുന്നതാണ് ദൃശ്യങ്ങളിലുള്ളത്. ചില കുട്ടികള് കൈകള് കൊണ്ട് മസാജ് ചെയ്യുമ്പോള്, മറ്റു ചിലർ കാലുകള് ഉപയോഗിച്ചാണ് അധ്യാപികയുടെ പുറം ചവിട്ടി തിരുമ്മുന്നത്. അത്യന്തം പരിതാപകരമായ മറ്റൊരു കാഴ്ച, അടുക്കളയില് ചപ്പാത്തി പരത്താൻ ഉപയോഗിക്കുന്ന ഉരുളൻ തടി ഉപയോഗിച്ച് ഒരു വിദ്യാർഥിനി അധ്യാപികയുടെ നടുവ് മസാജ് ചെയ്യുന്നതാണ്.
ഈ സമയത്തെല്ലാം യാതൊരു കുറ്റബോധവുമില്ലാതെ അധ്യാപിക തന്റെ മൊബൈല് ഫോണില് മുഴുകിയിരിക്കുന്നതും വീഡിയോയില് വ്യക്തമാണ്. സംഭവം വിവാദമായതോടെ ചിത്രകൂട് ജില്ലാ വിദ്യാഭ്യാസ വകുപ്പ് ഉടനടി അന്വേഷണത്തിന് ഉത്തരവിട്ടു.
പരിശോധന നടന്ന സമയത്ത് പ്രധാനാധ്യാപിക മെഡിക്കല് അവധിയിലായിരുന്നുവെങ്കിലും, ദൃശ്യങ്ങളിലെ സത്യാവസ്ഥയും കുട്ടികളുടെ മൊഴികളും ആധാരമാക്കി അധികൃതർ അവരെ സർവീസില് നിന്നും സസ്പെൻഡ് ചെയ്തു.ഗുരുതരമായ ചട്ടലംഘനവും കുട്ടികളോടുള്ള ക്രൂരതയുമാണ് നടന്നതെന്ന് പ്രാഥമിക അന്വേഷണത്തില് ബോധ്യപ്പെട്ടതിനെ തുടർന്നാണ് ഈ നടപടി.
അതേസമയം, തനിക്കെതിരെയുള്ള ആരോപണങ്ങള് പൂർണമായും നിഷേധിച്ചുകൊണ്ട് മധുകുമാരി രംഗത്തെത്തിയിട്ടുണ്ട്.പ്രചരിക്കുന്ന വീഡിയോ വ്യാജമാണെന്നും തന്നെ മനഃപൂർവ്വം കുടുക്കാൻ ആർട്ടിഫിഷ്യല് ഇന്റലിജൻസ് സാങ്കേതികവിദ്യ ഉപയോഗിച്ച് കൃത്രിമമായി നിർമ്മിച്ചതാണെന്നുമാണ് അവരുടെ വാദം.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.