പാലാ :തന്റെ സമരം പാതി വിജയം കണ്ടെന്ന് അജി മാർക്കോസ് മീഡിയാ അക്കാദമിയിലെ വാർത്ത സമ്മേളനത്തിൽ അറിയിച്ചു.
അറിയില്ലേ നിങ്ങൾ അജി മാർക്കോസിനെ പാലാ നഗരസഭാ ആഫീസിനു മുൻപിൽ ശവപ്പെട്ടിയിൽ കിടന്ന് സമരം നടത്തിയ 51 കാരൻ അജി മാർക്കോസ്.അജി മാർക്കോസ് അന്ന് പറഞ്ഞ കാര്യങ്ങളിൽ പകുതി വിജയം കണ്ടു.വിവാദ കെട്ടിടം ഇന്നലെ പൊളിച്ചു നീക്കുകയുണ്ടായി .
രാത്രിയുടെ മറവിലാണ് ബിജി തോമസ് എന്ന ഉടമ പൊളിച്ചു നീക്കിയത്.അതുകൊണ്ടു പ്രശ്നം തീരുന്നില്ലെന്ന് അജി മാർക്കോസ് പറയുന്നു .പി ഡബ്ലിയൂ ഡി യുടെ സ്ഥലം കയ്യേറിയാണ് നഗരസഭാ ഉദ്യോഗസ്ഥരുടെയും രാഷ്ട്രീയ പിന്തുണയോടെ കയ്യേറ്റം നടത്തിയത്.സ്ഥലത്തിന്റെ അടിത്തറ പൊളിച്ചു നീക്കി .സ്ഥലം ജനങ്ങളുടെ സഞ്ചാരത്തിനായി തുറന്നു കൊടുക്കും വരെ തന്റെ സമരം തുടരുമെന്നാണ് അജി മാർക്കോസ് അഭിപ്രായപ്പെട്ടത് .
തനിക്കു പേറ്റന്റുള്ള മൊബൈൽ പാർക്ക് എന്ന പേര് ഇവർ അനധികൃതമായി ഉപയോഗിക്കുന്നത് ശ്രദ്ധയിൽ പെട്ട താൻ ഇവരെ സ്നേഹ പൂർവം കാര്യങ്ങൾ പറഞ്ഞു മനസിലാക്കാൻ ശ്രമിച്ചെങ്കിലും ധിക്കാരപൂര്വമായിരുന്നു പെരുമാറ്റം .ഉടനെ താൻ ഇതിനെതിരെ നഗരസഭയിൽ പരാതിപ്പെട്ടപ്പോഴാണ് ഈ കെട്ടിടം പി ഡബ്ലിയൂഡി പുറമ്പോക്കാണെന്നു മനസിലായത് .നഗരസഭയിലെ ഉദ്യോഗസ്ഥരും രാഷ്ട്രീയ നേതൃത്വവും അറിഞ്ഞു കൊണ്ടുള്ള കളിയാണെന്നു മനസിലായപ്പോഴാണ് താൻ നഗരസഭയ്ക്കു മുൻപിൽ ശവപ്പെട്ടിയിൽ കിടന്നു സമരം നടത്തിയത്.
തുടർന്ന് മുൻസിപ്പിൽ അധികൃതർ നിവർത്തിയില്ലാതെ പൊളിച്ചു മാറ്റാൻ നിർദ്ദേശം നൽകുകയായിരുന്നു .എന്നാൽ പാതി പൊളിച്ചു നീക്കി ഇവിടെ മറ്റൊരു കൈയ്യേറ്റത്തിനായി കാത്തിരിക്കയാണെന്നു സംശയിക്കേണ്ടിയിരിക്കുന്നു .സ്ഥലം നിരപ്പാക്കി ജനങ്ങൾക്ക് സഞ്ചരിക്കാൻ നൽകുന്നത് വരെ തന്റെ സമരം തുടരുമെന്ന് അജി മാർക്കോസ് മീഡിയാ അക്കാദമിയിൽ വാർത്ത സമ്മേളനത്തിൽ അറിയിച്ചു .
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.