ഉത്തർ പ്രദേശ്: മരിക്കാൻ പോവുകയാണെന്ന് ഇൻസ്റ്റാഗ്രാം ലൈവിലൂടെ വെളിപ്പെടുത്തിയ ശേഷം വാഹനം ഡിവൈഡറിലേക്ക് ഇടിച്ചുകയറ്റി ജീവനൊടുക്കാൻ ശ്രമിച്ച് മോട്ടോവ്ലോഗറും ബിഗ് ബോസ് 17 മത്സരാർഥിയുമായ അനുരാഗ് ദോഭാല്.
UK07 റൈഡർ ' എന്ന അക്കൗണ്ടിലൂടെ സോഷ്യല് മീഡിയയില് സുപരിചിതനായ ദോഭലിന്, ഇന്സ്റ്റഗ്രാമില് മാത്രം 7 മില്യണിലധികം ഫോളോവേഴ്സുണ്ട്. ഗാസിയാബാദിലെ മസൂരി പ്രദേശത്തെ ഡല്ഹി-മീററ്റ് എക്സ്പ്രസ് വേയിലാണ് സംഭവം. എസ്യുവിയില് 150 കിലോമീറ്ററിലധികം വേഗതയില് സഞ്ചരിച്ചായിരുന്നു അനുരാഗ് ഇൻസ്റ്റാഗ്രാം ലൈവില് എത്തിയത്.
താൻ പൂർണമായും ഒറ്റപ്പെട്ടതായി തോന്നുന്നുവെന്നും വിളിക്കാൻ ആരുമില്ലയെന്നും അദ്ദേഹം ലൈവിലൂടെ പറഞ്ഞു. ഏകദേശം 80,000 പേർ ലൈവിന് കാഴ്ചക്കാരായി ഉണ്ടായിരുന്നു. 'അടുത്ത ജന്മത്തില് വരുമ്പോള് അമ്മ എനിക്ക് സ്നേഹം നല്കണം, എനിക്ക് സ്നേഹം അത്രമേല് ആവശ്യമായിരുന്നു' എന്നുപറഞ്ഞ് അനുരാഗ് ലൈവില് പൊട്ടിക്കരഞ്ഞു. 'ഇത് അവസാനത്തെ യാത്രയാണ്, വിട' എന്ന് അലറിക്കൊണ്ട് അദ്ദേഹം സ്റ്റിയറിങ് വലതുവശത്തേക്ക് വെട്ടിക്കുകയായിരുന്നു.
മറ്റൊരു ജാതിയില്പ്പെട്ട പെണ്കുട്ടിയെ വിവാഹം കഴിച്ചതിന്റെ പേരില് കുടുംബം തന്നെ മാനസികമായി പീഡിപ്പിക്കുന്നു എന്നായിരുന്നു ആരോപണം. തന്നെ പരസ്യമായി അപമാനിച്ചതായും ബന്ധുക്കളുടെ മുന്നില് ക്ഷമാപണം നടത്താൻ നിർബന്ധിതനാകുകയും ചെയ്തുവെന്നും വിശദീകരിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.