ന്യൂഡല്ഹി: രാജ്യത്തെ എല്ലാ സ്ത്രീകള്ക്കും തുല്യ അവകാശങ്ങള് ഉറപ്പാക്കാനുള്ള ഏക മാര്ഗം ഇന്ത്യയിലുടനീളം ഏകീകൃത സിവില് കോഡ് കൊണ്ടുവരികയാണെന്ന് സുപ്രീം കോടതി.
മുസ്ലീം സമൂഹത്തിലെ വലിയൊരു വിഭാഗത്തിന് തുല്യമായ അനന്തരാവകാശം നിഷേധിക്കപ്പെടുന്നു എന്നത് വസ്തുതയാണ്. എന്നാല് ശരിയത്ത് നിയമത്തിലെ അനന്തരാവകാശ വ്യവസ്ഥ റദ്ദാക്കപ്പെട്ടാല്, അനന്തരാവകാശത്തെ നിയന്ത്രിക്കേണ്ട നിയമം ഏതാണ്? ഇതിനൊരു ഉത്തരം എന്താണെന്നുവെച്ചാല്, ഏകീകൃത സിവില് കോഡ് ആണ്. രാജ്യത്തെ എല്ലാ സ്ത്രീകള്ക്കും തുല്യ അവകാശങ്ങള് ഉറപ്പാക്കാനുള്ള ഏക മാര്ഗം ഇന്ത്യയിലുടനീളം ഒരു ഏകീകൃത സിവില് കോഡ് കൊണ്ടുവരിക എന്നതാണ്.' സുപ്രീം കോടതി അഭിപ്രായപ്പെട്ടു.
ഭരണഘടനയുടെ ആര്ട്ടിക്കിള് 25 മതസ്വാതന്ത്ര്യം ഉറപ്പുനല്കുന്നതാണ്. അത് പാരമ്പര്യവുമായി ബന്ധപ്പെട്ട വ്യക്തിനിയമം സംരക്ഷിക്കപ്പെടുന്നില്ലെന്ന് ഹര്ജിക്കാരുടെ അഭിഭാഷകനായ പ്രശാന്ത് ഭൂഷണ് വാദിച്ചു. അനന്തരാവകാശം ഒരു പൗരാവകാശമാണ്. അത് അനിവാര്യമായ മതപരമായ ആചാരമായി കണക്കാക്കാനാവില്ലെന്നും പ്രശാന്ത് ഭൂഷണ് പറഞ്ഞു.എന്നാല് ആദിവാസികള് ഉള്പ്പെടെ വിവിധ സമൂഹങ്ങളില് വളരെയധികം അസമത്വങ്ങള് നിലനില്ക്കുന്നുണ്ടെന്ന് കോടതി പറഞ്ഞു.
അതിനാല് നിര്ദ്ദേശ തത്വങ്ങള് പ്രാബല്യത്തില് വരുത്തുന്നതിന് നാം നിയമനിര്മ്മാണ അധികാരത്തിന് വഴങ്ങണം.' ജസ്റ്റിസ് ബാഗ്ചി പറഞ്ഞു. ഏകീകൃത സിവില് കോഡ് നടപ്പിലാക്കാന് കോടതി ഇതിനകം നിയമനിര്മ്മാണ സഭകളോട് ശുപാര്ശ ചെയ്തിട്ടുണ്ടെന്നും സുപ്രീംകോടതി അഭിപ്രായപ്പെട്ടു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.