ഇസ്ലാമാബാദ്: പശ്ചിമേഷ്യൻ പ്രതിസന്ധി രൂക്ഷമാകുന്നതോടെ പാകിസ്ഥാൻ കടുത്ത പ്രതിസന്ധിയിലേയ്ക്ക് നീങ്ങുകയാണെന്ന് റിപ്പോർട്ട്.
ഫെഡറല്, പ്രൊവിൻഷ്യല് അധികൃതരുമായി നടത്തിയ കൂടിക്കാഴ്ചയ്ക്ക് ശേഷമാണ് കടുത്ത തീരുമാനങ്ങള് എടുത്തതെന്ന് പ്രധാനമന്ത്രി ഷെഹബാസ് ഷെരീഫ് രാജ്യത്തെ അഭിസംബോധന ചെയ്ത് സംസാരിക്കവെ വ്യക്തമാക്കി.
ഇന്ധനം ലാഭിക്കാനായി ഔദ്യോഗിക വാഹനങ്ങള്ക്കുള്ള ഇന്ധന അലവൻസ് അടുത്ത രണ്ട് മാസത്തേക്ക് 50% വെട്ടിക്കുറച്ചു. ആംബുലൻസുകള്, പബ്ലിക് ബസ്സുകള് എന്നിവയെ ഇതില് നിന്ന് ഒഴിവാക്കിയിട്ടുണ്ട്. ഫെഡറല്, പ്രൊവിൻഷ്യല്
വകുപ്പുകളിലെ 60% സർക്കാർ വാഹനങ്ങളും ഈ കാലയളവില് നിരത്തിലിറക്കില്ലെന്നും കേന്ദ്ര-സംസ്ഥാന മന്ത്രിമാർ അടുത്ത രണ്ട് മാസത്തേക്ക് ശമ്പളവും മറ്റ് അലവൻസുകളും വാങ്ങില്ലെന്നുമാണ് റിപ്പോർട്ട്. എം.പിമാരുടെയും എം.എല്.എമാരുടെയും ശമ്പളം 25% വെട്ടിക്കുറക്കുകയും ചെയ്യും.
3 ലക്ഷം രൂപയില് കൂടുതല് ശമ്പളമുള്ള ഗ്രേഡ്-20 ഉദ്യോഗസ്ഥരുടെ രണ്ട് ദിവസത്തെ ശമ്പളം ജനക്ഷേമ പ്രവർത്തനങ്ങള്ക്കായി മാറ്റിവെക്കും. എന്നാല് ആരോഗ്യ-വിദ്യാഭ്യാസ മേഖലയിലുള്ളവരെ ഇതില് നിന്ന് ഒഴിവാക്കിയിട്ടുണ്ട്.
ജീവനക്കാരുടെ ശമ്പളം ഒഴികെയുള്ള മറ്റ് സർക്കാർ ചെലവുകള് നാലാം പാദത്തില് 20% വെട്ടിക്കുറച്ചതാണ് മറ്റൊരു നടപടി. ഈ വർഷം ജൂണ് വരെ സർക്കാർ ഓഫീസുകളിലേക്ക് പുതിയ വാഹനങ്ങള്, ഫർണിച്ചറുകള്, എയർ കണ്ടീഷണറുകള് എന്നിവ വാങ്ങുന്നതിന് നിരോധനം ഏർപ്പെടുത്തിയിട്ടുമുണ്ട്.
മന്ത്രിമാരുടെയും ഉദ്യോഗസ്ഥരുടെയും വിദേശയാത്രകള്ക്ക് കർശന നിയന്ത്രണം ഏർപ്പെടുത്തിയതാണ് മറ്റൊരു പ്രധാന നടപടി. രാജ്യതാല്പ്പര്യത്തിന് അത്യന്താപേക്ഷിതമായ യാത്രകള് മാത്രമേ അനുവദിക്കൂ. ഇന്ധനം ലാഭിക്കുന്നതിനായി സർക്കാർ യോഗങ്ങള് ടെലി കോണ്ഫറൻസിംഗ് വഴിയാക്കും.
ഔദ്യോഗിക വിരുന്നുകളും ഇഫ്താർ പാർട്ടികളും നിരോധിക്കുകയും ചെയ്തു. അത്യാവശ്യ സർവീസുകള് ഒഴികെയുള്ള പകുതി ജീവനക്കാർക്കും വർക്ക് ഫ്രം ഹോം അനുവദിച്ചു. സർക്കാർ ഓഫീസുകള് ആഴ്ചയില് നാല് ദിവസം മാത്രമേ പ്രവർത്തിക്കൂ. എന്നാല് ബാങ്കിംഗ് മേഖലയ്ക്ക് ഇത് ബാധകമല്ല.
ഉന്നത വിദ്യാഭ്യാസ സ്ഥാപനങ്ങളില് മാർച്ച് 16 മുതല് 31 വരെ ക്ലാസുകള് ഓണ്ലൈനായി നടക്കും. സ്കൂളുകള്ക്ക് മാർച്ച് 16 മുതല് രണ്ടാഴ്ചത്തെ അവധി പ്രഖ്യാപിച്ചിട്ടുണ്ട്. എണ്ണ പൂഴ്ത്തിവെക്കുന്നവർക്കും അമിത ലാഭം കൊയ്യാൻ ശ്രമിക്കുന്നവർക്കുമെതിരെ കടുത്ത നടപടിയുണ്ടാകുമെന്ന് പ്രധാനമന്ത്രി ഷെഹബാസ് ഷെരീഫ് മുന്നറിയിപ്പ് നല്കി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.