ഗ്രീസ്: മരണത്തിനും ജീവിതത്തിനുമിടയിലെ ഒൻപത് ദിനങ്ങള്‍! ഗ്രീസിലെ ഹാലികി ഗ്രാമത്തിലെ ഒരു കൊച്ചു നായക്കുട്ടി ലോകമെങ്ങുമുള്ള മൃഗസ്‌നേഹികളുടെ ഹൃദയം കീഴടക്കുകയാണ്.
പർവതാരോഹകർക്കൊപ്പം കുതിച്ചു പാഞ്ഞ ആസ്പ്രൂലിസ് കൊടുമുടിയുടെ അരികിലെത്തിയെങ്കിലും, ദുർഘടമായ ഭൂപ്രകൃതിയും ചെങ്കുത്തായ പാറക്കെട്ടുകളും കാരണം ഒറ്റപ്പെട്ടുപോയി. ഭയം കാരണം തിരികെ വരാൻ കഴിയാതെ 1,900 മീറ്റർ ഉയരത്തിലുള്ള തണുത്തുറഞ്ഞ മഞ്ഞില്‍ ആ നായക്കുട്ടി കുടുങ്ങി.
ഭക്ഷണം പോലുമില്ലാതെ ഒരു ആഴ്ചയിലേറെ നീണ്ട ആ ദിവസങ്ങളില്‍, കൊടും തണുപ്പിനെ അതിജീവിച്ച്‌ അവൻ എവിടെയോ ഒളിച്ചിരുന്നു. ഉടമയും നാട്ടുകാരും തിരച്ചില്‍ നടത്തിയെങ്കിലും മഞ്ഞില്‍ ലയിച്ചുനിന്ന ആ ‘വെളുത്ത മുത്തിനെ’ കണ്ടെത്താൻ ആർക്കും സാധിച്ചില്ല.
എന്നാല്‍ മാർച്ച് 5-ന് ആ അത്ഭുതം സംഭവിച്ചു. സൗകരേല കൊടുമുടി ലക്ഷ്യമാക്കി നീങ്ങിയ മറ്റൊരു പർവതാരോഹക സംഘം മരവിപ്പിക്കുന്ന നിശബ്ദതയ്ക്കിടയില്‍ ഒരു നായയുടെ നേർത്ത കരച്ചില്‍ കേട്ടു. “വെളുത്ത നിറമായതിനാല്‍ മഞ്ഞില്‍ അവനെ പെട്ടെന്ന് തിരിച്ചറിയാൻ കഴിഞ്ഞില്ല,
പക്ഷേ ആ ചെറിയ നായ ഞങ്ങളെ കണ്ടിരുന്നു, അവൻ സഹായത്തിനായി ഉറക്കെ കരയുകയായിരുന്നു,” എന്ന് രക്ഷാസംഘത്തിലുണ്ടായിരുന്ന മറീന കൊറാക്കി ഓർത്തെടുത്തു. സംഘം രണ്ടായി പിരിഞ്ഞ് നടത്തിയ നീക്കത്തിനൊടുവില്‍, തളർന്നു വശായ ആസ്പ്രൂലിസിനെ അവർ കണ്ടെത്തി.
ഒൻപത് ദിവസത്തെ പട്ടിണി ആസ്പ്രൂലിസിനെ വല്ലാതെ തളർത്തിയിരുന്നു. അവന്റെ കഴുത്തിലെ ബെല്‍റ്റ് പോലും ലൂസായി തൂങ്ങിക്കിടക്കുന്ന അവസ്ഥയിലായിരുന്നു. പർവതാരോഹകർ നല്‍കിയ ഭക്ഷണവും സ്നേഹവും സ്വീകരിച്ച്‌ മൂന്നര മണിക്കൂർ നീണ്ട യാത്രയ്ക്കൊടുവില്‍ അവൻ സുരക്ഷിതനായി ഉടമയുടെ അരികിലെത്തി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.