പാലാ : അൽഫോൻസാ കോളേജ് ഇംഗ്ലീഷ് വിഭാഗത്തിൻ്റെ ആഭിമുഖ്യത്തിൽ 29, 30 തീയതികളിൽ സംഘടിപ്പിക്കപ്പെട്ട ദ്വിദിന ദേശീയ സെമിനാർ സമാപിച്ചു.
വിവിധ വിഷയങ്ങളിലായി 50 ഓളം അധ്യാപകരും വിദ്യാർത്ഥികളും ഗവേഷണ വിദ്യാർത്ഥികളും പ്രബന്ധങ്ങൾ അവതരിപ്പിച്ചു. കോളേജ് പ്രിൻസിപ്പൽ പ്രഫ. ഡോ. സി.മിനിമോൾ മാത്യു അധ്യക്ഷത വഹിച്ച സമാപന സമ്മേളനത്തിൽ ശ്രീ എം ആർ രേണുകുമാർ മുഖ്യാതിഥിയായിരുന്നു.മനുഷ്യൻ്റെ ഉള്ളിലെ നൈസർഗികമായ സർഗ്ഗവാസനകൾ കഴിഞ്ഞ കാലത്തിൻ്റെ ഈടുവെപ്പുകളോട് ചേരുമ്പോഴാണ് കലയും കവിതയും ജനിക്കുന്നതെന്ന് ശ്രീ രേണുകുമാർ അഭിപ്രായപ്പെട്ടു.
ഉത്തമ സാഹിത്യകൃതികൾ വികാരവിമലീകരണത്തിനും മനുഷ്യ സംസ്കൃതിയുടെ നിർമ്മാണത്തിനും കാരണമാകുന്നുവെന്ന് അദ്ദേഹം കൂട്ടിച്ചേർത്തു. തദവസരത്തിൽ 2024- 25 അക്കാദമിക വർഷത്തിൽ ഇംഗ്ലീഷ് വിഭാഗത്തിലെ അധ്യാപകരും വിദ്യാർത്ഥിനികളും രചിച്ച കവിതകളുടെ സമാഹാരമായ സീസൺസ് ശ്രീ. രേണുകുമാർ പ്രകാശനം ചെയ്തു.
കോളേജ് ബർസാർ റവ. ഫാ. കുര്യാക്കോസ് വെള്ളച്ചാലിൽ ആദ്യ പ്രതി ഏറ്റുവാങ്ങി. വൈസ് പ്രിൻസിപ്പൽ മിസ് മഞ്ജു ജോസ്,ഇംഗ്ലീഷ് വിഭാഗം അധ്യക്ഷ ഡോക്ടർ സോണിയ സെബാസ്റ്റ്യൻ,സെമിനാർ കൺവീനർ ആഷ്ലി തോമസ്, കോ-കൺവീനർ അശ്വതി എൻ എന്നിവർ സംസാരിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.