ഞാൻ കുറ്റക്കാരനല്ല. ഞാൻ മാന്യനായ ഒരു മനുഷ്യനാണ്. ഞാൻ ഇപ്പോഴും എന്റെ രാജ്യത്തിന്റെ പ്രസിഡന്റാണ് : നിക്കോളാസ് മഡുറോ

പുറത്താക്കപ്പെട്ട വെനിസ്വേലൻ പ്രസിഡന്റ് നിക്കോളാസ് മഡുറോ, മയക്കുമരുന്ന്, ആയുധ കേസുകൾക്കെതിരെ ന്യൂയോർക്ക് കോടതിയിൽ കുറ്റക്കാരനല്ലെന്ന് പറഞ്ഞു.

വെനിസ്വേലയുടെ തലസ്ഥാനമായ കാരക്കാസിൽ ശനിയാഴ്ച യുഎസ് സൈനിക റെയ്ഡിൽ പിടികൂടിയ മഡുറോയും ഭാര്യ സിലിയ ഫ്ലോറസും ഇന്ന് വൈകുന്നേരം മാൻഹട്ടനിലെ ഫെഡറൽ കോടതിയിൽ ജഡ്ജി ആൽവിൻ ഹെല്ലർസ്റ്റീന്റെ മുമ്പാകെ ഹാജരായി. 

63 കാരനായ സ്ഥാനഭ്രഷ്ടനാക്കപ്പെട്ട വെനിസ്വേലൻ പ്രസിഡന്റ് ജഡ്ജിയോട് പറഞ്ഞു: "ഞാൻ കുറ്റക്കാരനല്ല. ഞാൻ മാന്യനായ ഒരു മനുഷ്യനാണ്. ഞാൻ ഇപ്പോഴും എന്റെ രാജ്യത്തിന്റെ പ്രസിഡന്റാണ്.

മയക്കുമരുന്ന് ഭീകരവാദ ഗൂഢാലോചന, കൊക്കെയ്ൻ ഇറക്കുമതി ഗൂഢാലോചന, മെഷീൻ ഗണ്ണുകളും വിനാശകരമായ ഉപകരണങ്ങളും കൈവശം വയ്ക്കൽ, മെഷീൻ ഗണ്ണുകളും വിനാശകരമായ ഉപകരണങ്ങളും കൈവശം വയ്ക്കൽ എന്നീ നാല് കുറ്റങ്ങളാണ് ഇവർക്കെതിരെ ചുമത്തിയിരിക്കുന്നത്.

മിസ്റ്റർ മഡുറോയുടെയും പ്രഥമ വനിത സിലിയ ഫ്ലോറസിന്റെയും കുറ്റപത്രം സമർപ്പിക്കുന്നതിന് മുമ്പ് കോടതിക്ക് പുറത്ത് നിക്കോളാസ് മഡുറോയെ പിന്തുണയ്ക്കുന്ന ആളുകൾ അവരുടെ പ്രതിഷേധം രേഖപ്പെടുത്തി. മഡുറോയെ വിചാരണ ചെയ്യുന്ന ന്യൂയോർക്ക് കോടതിക്ക് മുൻപിലാണ് പ്രതിഷേധം. വെനസ്വേലൻ പതാകകളുമായി നൂറുകണക്കിന് ആളുകളാണ് തെരുവിലുള്ളത്. സ്പാനിഷിൽ പ്രതിഷേധിക്കുന്ന ഇവർ മഡുറോയെ വെറുതെ വിടാനും അമേരിക്കയുടെ യുദ്ധാസക്തി അവസാനിപ്പിക്കാനുമാണ് ആവശ്യപ്പെടുന്നത്. യുഎസ് ജില്ലാ ജഡ്ജി ആൽവിൻ ഹെല്ലർസ്റ്റൈൻ അടുത്ത കോടതി തീയതി മാർച്ച് 17 ലേക്ക് നിശ്ചയിച്ചു. 

അതേസമയം പുറത്താക്കപ്പെട്ട പ്രസിഡന്റ് നിക്കോളാസ് മഡുറോയെ "തിരിച്ചുകൊണ്ടുവരാൻ" എല്ലാ വഴികളും തേടുമെന്ന് വെനിസ്വേലയുടെ പുതുതായി വീണ്ടും തിരഞ്ഞെടുക്കപ്പെട്ട പാർലമെന്റ് തലവൻ പ്രതിജ്ഞയെടുത്തു.

"ഈ ദേശീയ അസംബ്ലിയുടെ പ്രസിഡന്റ് എന്ന നിലയിൽ, വരും ദിവസങ്ങളിൽ എന്റെ പ്രധാന ധർമ്മം, എന്റെ സഹോദരനും പ്രസിഡന്റുമായ നിക്കോളാസ് മഡുറോ മൊറോസിനെ തിരികെ കൊണ്ടുവരുന്നതിനുള്ള എല്ലാ നടപടിക്രമങ്ങളും, എല്ലാ വേദികളും, എല്ലാ വഴികളും അവലംബിക്കുക എന്നതായിരിക്കും," ജോർജ് റോഡ്രിഗസ് പാർലമെന്റിൽ പറഞ്ഞു.