കൊല്ലം: കൊല്ലം റെയിൽവേ സ്റ്റേഷനിലേക്ക് എത്തിക്കൊണ്ടിരുന്ന ട്രെയിനിൽനിന്ന് വീണ വയോധികൻ നിസ്സാര പരിക്കുകളോടെ രക്ഷപ്പെട്ടു. നാഗർകോവിൽ-കൊല്ലം പാസഞ്ചർ ട്രെയിനിലെ യാത്രക്കാരനായ തങ്കശ്ശേരി സ്വദേശി സേവ്യർ ജോണാണ് (78) അത്ഭുതകരമായി രക്ഷപ്പെട്ടത്.
ചൊവ്വാഴ്ച രാവിലെ 10 മണിയോടെയായിരുന്നു അപകടം. ചിന്നക്കടയിലെ വളവിൽ ട്രെയിനിന്റെ വേഗം കുറഞ്ഞപ്പോൾ, വണ്ടി നിർത്തിയെന്ന് തെറ്റിദ്ധരിച്ച് ഇറങ്ങാൻ ശ്രമിച്ചതാണ് അപകടത്തിന് കാരണമായത്.
വാതിൽപ്പടിയിൽനിന്ന് പിടിവിട്ട് നിലതെറ്റി തൂങ്ങിക്കിടന്ന സേവ്യർ ജോണിനെ കണ്ട സഹയാത്രികർ ഉടൻതന്നെ ചങ്ങല വലിച്ച് (Chain Pulling) ട്രെയിൻ നിർത്തുകയായിരുന്നു. തുടർന്ന് ആർ.പി.എഫ്. ഉദ്യോഗസ്ഥരും റെയിൽവേ അധികൃതരും ചേർന്ന് ഇദ്ദേഹത്തെ റെയിൽവേ സ്റ്റേഷനിൽ എത്തിച്ചു.
കാലുകൾ നിലത്തുരഞ്ഞാണ് സേവ്യറിന് പരിക്കേറ്റത്. റെയിൽവേ സ്റ്റേഷനിൽനിന്ന് ഉടൻതന്നെ ആശുപത്രിയിൽ എത്തിച്ച ഇദ്ദേഹത്തിന് ചികിത്സ നൽകിയ ശേഷം വിട്ടയച്ചു. യാത്രക്കാരുടെ സമയോചിതമായ ഇടപെടലാണ് വലിയ അപകടം ഒഴിവാക്കാൻ സഹായിച്ചത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.