മുൻ എംഎൽഎ പി.എം.മാത്യു അന്തരിച്ചു

കോട്ടയം: മുൻ എംഎൽഎ പി.എം.മാത്യു (75) അന്തരിച്ചു. പാലായിലെ സ്വകാര്യ ആശുപത്രിയിൽ വച്ചായിരുന്നു അന്ത്യം.

വൃക്കരോഗത്തിന് ചികിത്സയിലായിരുന്നു. 1991 മുതൽ 96 വരെ കടുത്തുരുത്തി നിയോജക മണ്ഡലത്തിലെ എംഎൽഎയായിരുന്നു. ദീർഘകാലം കേരള കോൺഗ്രസ് (എം)ൽ  പ്രവർത്തിച്ചിരുന്നു.2025 മേയ് മാസത്തിൽ തുടങ്ങിയ നാഷനൽ ഫാർമേഴ്‌സ് പാർട്ടിയുടെ (എൻഎഫ്‌പി) ജനറൽ സെക്രട്ടറിയായിരുന്നു. 

കർഷക ക്ഷേമത്തെ എന്നും പിന്തുണച്ചിരുന്ന ആളാണു മാത്യു. ഒഡിഇപിസി ചെയർമാൻ, കെഎസ്‌എഫ്‌ഇ വൈസ് ചെയർമാൻ, വിവിധ ഉപദേശക സമിതികളിൽ സ്ഥാനങ്ങളും വഹിച്ചിട്ടുണ്ട്. 

കേരള യൂണിവേഴ്‌സിറ്റി സെനറ്റിലും വിവിധ ബോർഡുകളിലും സ്ഥാനങ്ങൾ വഹിച്ചിട്ടുണ്ട്. കുസുമം മാത്യുവാണ് ഭാര്യ. മൂന്ന് മക്കൾ.