പൂജാരിയിൽ നിന്ന് 68 ലക്ഷം തട്ടിയ നിഖിത ബ്രഹ്മദത്തൻ എന്ന മുബീന പിടിയിൽ

ഒറ്റപ്പാലം ;പാലക്കാട് നാഗയക്ഷിക്കാവിലെ പൂജാരിയെ താൻ മനിശ്ശേരി മനയിലെ ബ്രഹ്മദത്തൻ നമ്പൂതിരിയുടെ ഏകമകൾ ഡോക്ടർ നിഖിത ബ്രഹ്മദത്തൻ ആണെന്ന് പറഞ്ഞ് 68 ലക്ഷം രൂപ വഞ്ചിച്ച യുവതി പിടിയിൽ.

മണ്ണാർക്കാട് പയ്യനെടം കുമരംപുത്തൂർ സ്വദേശി മുബീനയാണ് പിടിയിലായത്. ഇവർ പൂജാരിയെ മനയിലെ അവകാശിയായി ദത്തെടുക്കാം എന്ന് വിശ്വസിപ്പിച്ച് താൻ പണിയുന്ന ആശുപത്രിയുടെ ആവശ്യത്തിലേക്കായി പണം വാങ്ങി എടുക്കുകയായിരുന്നു.

പാലക്കാട് ജില്ലാ ആശുപത്രിയിലെ ഡോക്ടർ എന്നാണ് ഈ സ്ത്രീ പരിചയപ്പെടുത്തിയത്. പരാതിക്കാരനെ ഡോക്ടർ എന്ന നിലയിൽ ജില്ലാ ആശുപത്രിയിൽ വച്ച് നാടകം സെറ്റ് ചെയ്ത് കാണുകയും ചെയ്തു.

എറണാകുളത്തെ ലുലു മാളിൽ നിന്ന് പ്രത്യേക അന്വേഷണസംഘം ഇവരെ അറസ്റ്റ് ചെയ്യുമ്പോൾ കൈയ്യിൽ നിന്ന് ഒരു ലക്ഷത്തോളം രൂപയും സ്വർണാഭരണങ്ങളും കണ്ടെടുത്തു.