ലണ്ടൻ/എറണാകുളം: യുകെയിലെ കെൻ്റിൽ കാൻസർ രോഗബാധിതയായി ചികിത്സയിലായിരുന്ന മലയാളി നഴ്സ് അന്തരിച്ചു. എറണാകുളം ജില്ലയിലെ മൂവാറ്റുപുഴ കല്ലൂർക്കാട് സ്വദേശിനിയായ ആൻസി ജോൺ (സോണിയ, 46) ആണ് ലോകത്തോട് വിട പറഞ്ഞത്. കെൻ്റിലെ പ്രമുഖ ആശുപത്രിയായ മെഡ് വേ എൻഎച്ച്എസ് ട്രസ്റ്റ് ഹോസ്പിറ്റലിലെ നഴ്സായിരുന്നു ആൻസി.
2005-ലാണ് ആൻസി ജോൺ യുകെയിൽ എത്തുന്നത്. തിരുവനന്തപുരം സ്വദേശിയായ ഭർത്താവ് ഡോ. കെ.പി. പത്മകുമാർ, മകൻ നവീൻ എന്നിവർക്കൊപ്പം കെൻ്റിലെ ഗില്ലിങ്ങാമിലായിരുന്നു താമസം.
ആറ് വർഷത്തെ പോരാട്ടം
ആറ് വർഷം മുൻപാണ് ആൻസിക്ക് കാൻസർ രോഗം സ്ഥിരീകരിക്കുന്നത്. ചികിത്സയെ തുടർന്ന് രോഗം ഭേദമായി വരുന്നതിനിടെ ഏതാനും മാസങ്ങൾക്ക് മുൻപ് വീണ്ടും രോഗം മൂർച്ഛിക്കുകയായിരുന്നു. ജോലി ചെയ്തിരുന്ന ഹോസ്പിറ്റലിൽ തന്നെ ചികിത്സയിലിരിക്കെയാണ് കഴിഞ്ഞ ദിവസം വിയോഗം സംഭവിച്ചത്.
രോഗം വീണ്ടും ഗുരുതരമായതിനെ തുടർന്ന് നാട്ടിൽ നിന്നും ആൻസിയുടെ മാതാപിതാക്കളായ മുണ്ടഞ്ചിറ ജോൺ, ലൂസി എന്നിവർ യുകെയിൽ എത്തിയിരുന്നു. കഴിഞ്ഞ നാല് മാസമായി ഇവർ മകൾക്കൊപ്പം ഗില്ലിങ്ങാമിൽ താമസിക്കുന്നുണ്ട്.
സഹോദരങ്ങൾ: ജോൺ മുണ്ടഞ്ചിറ (ഗ്രില്ലിങ്ങാം, യുകെ), സന്ദീപ് ജോൺ (ബാംഗ്ലൂർ).
സംസ്കാര ചടങ്ങുകൾ സംബന്ധിച്ച കൂടുതൽ വിവരങ്ങൾ പിന്നീട് അറിയിക്കുമെന്ന് ബന്ധുക്കൾ അറിയിച്ചു. യുകെയിലെ മലയാളി സമൂഹത്തിന് ഇത് തീരാദുഃഖമായി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.