ചാലിശ്ശേരി: തൃത്താല ബ്ലോക്ക് പഞ്ചായത്തിന്റെ വാർഷിക പദ്ധതിയിൽ ഉൾപ്പെടുത്തി ആധുനിക നിലവാരത്തിൽ നിർമ്മിച്ച ചാലിശ്ശേരി ഗവ. എൽ.പി. സ്കൂളിലെ പുതിയ ടോയ്ലറ്റ് കോംപ്ലക്സ് ഉദ്ഘാടനം ചെയ്തു. തൃത്താല ബ്ലോക്ക് പഞ്ചായത്ത് പ്രസിഡന്റ് അഡ്വ. വി.പി. റജീനയാണ് കോംപ്ലക്സ് ഉദ്ഘാടനം ചെയ്തത്.
2024-25 വാർഷിക പദ്ധതിയിൽ ഉൾപ്പെടുത്തി, 20 ലക്ഷം രൂപ ചെലവഴിച്ചാണ് ഈ ടോയ്ലറ്റ് കോംപ്ലക്സിന്റെ നിർമ്മാണം പൂർത്തിയാക്കിയത്. വിദ്യാർത്ഥികൾക്ക് ശുചിത്വമുള്ളതും സൗകര്യപ്രദവുമായ അന്തരീക്ഷം ഒരുക്കുക എന്നതാണ് ഈ പദ്ധതിയിലൂടെ ലക്ഷ്യമിടുന്നത്.
ബ്ലോക്ക് വൈസ് പ്രസിഡന്റ് പി.ആർ. കുഞ്ഞുണ്ണി ചടങ്ങിൽ അധ്യക്ഷത വഹിച്ചു.
ഉദ്ഘാടനച്ചടങ്ങിനോടനുബന്ധിച്ച്, സബ് ജില്ലാ ശാസ്ത്രമേളയിൽ വിജയികളായ പ്രതിഭകളായ വിദ്യാർത്ഥികളെ അനുമോദിക്കുകയും അഭിനന്ദിക്കുകയും ചെയ്തു.
ചടങ്ങിൽ പഞ്ചായത്ത് പ്രസിഡന്റ് വിജേഷ് കുട്ടൻ, ബ്ലോക്ക് മെമ്പർ ധന്യ സുരേന്ദ്രൻ, പഞ്ചായത്തംഗം ആനി വിനു, പി.ടി.എ. പ്രസിഡന്റ് വി.എസ്. ശിവാസ്, വൈസ് പ്രസിഡന്റ് ടി.ആർ. അനീഷ് എന്നിവർ ആശംസകൾ അർപ്പിച്ച് സംസാരിച്ചു.
സ്കൂൾ പ്രധാനാധ്യാപകൻ ഇ. ബാലകൃഷ്ണൻ സ്വാഗതം ആശംസിച്ചു. അധ്യാപിക വി.ജെ. ഷീമ നന്ദി രേഖപ്പെടുത്തി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.