സംസ്ഥാന വനിതാ കമ്മീഷൻ്റെ വിവാഹപൂർവ്വ കൗൺസിലിംഗ് സെമിനാർ ആതവനാട് മർകസ് കോളേജിൽ നടന്നു

 കുറ്റിപ്പുറം: സംസ്ഥാന വനിതാ കമ്മീഷൻ്റെ ആഭിമുഖ്യത്തിൽ ആതവനാട് മർകസ് ആർട്‌സ് ആൻഡ് സയൻസ് കോളേജിൽ വിവാഹപൂർവ്വ കൗൺസിലിംഗ് സെമിനാർ സംഘടിപ്പിച്ചു. സംസ്ഥാന വനിതാ കമ്മീഷൻ അംഗം വി.ആർ. മഹിളാമണി സെമിനാർ ഉദ്ഘാടനം ചെയ്തു.

കോളേജ് ഐ.ക്യൂ.എ.സി. കോ-ഓർഡിനേറ്റർ എം.പി. ഫസീല ചടങ്ങിൽ അധ്യക്ഷത വഹിച്ചു. കാവൽ പ്ലസ് ജില്ലാ കോ-ഓർഡിനേറ്റർ സി.പി. സലിം വിഷയത്തെക്കുറിച്ച് വിശദമായ അവതരണം നടത്തി.

കോളേജ് വനിതാ വികസന സമിതി കോ-ഓർഡിനേറ്റർ സഹ്ല ഭാനു എ.പി., വിദ്യാർത്ഥി വിഭാഗം പ്രതിനിധി അസ്‌ന എന്നിവർ ചടങ്ങിൽ സംസാരിച്ചു.