എടപ്പാൾ: ഈ വർഷത്തെ എടപ്പാൾ ഉപജില്ലാ ശാസ്ത്രോത്സവത്തിൽ മോഡേൺ ഹയർ സെക്കൻഡറി സ്കൂൾ പോട്ടൂർ തുടർച്ചയായ മൂന്നാം വർഷവും ഒന്നാം സ്ഥാനം നിലനിർത്തി. എൽ.പി., യു.പി., ഹൈസ്കൂൾ, ഹയർ സെക്കൻഡറി വിഭാഗങ്ങളിൽ നിന്നായി ആകെ 1082 പോയിൻ്റുകൾ നേടിയാണ് മോഡേൺ സ്കൂൾ കിരീടം സ്വന്തമാക്കിയത്.
732 പോയിൻ്റുകൾ നേടി പി.സി.എൻ.ജി.എച്ച്.എസ്.എസ്. മൂക്കുതല രണ്ടാം സ്ഥാനവും, 614 പോയിൻ്റുകൾ നേടി ജി.എച്ച്.എസ്.എസ്. എടപ്പാൾ മൂന്നാം സ്ഥാനവും കരസ്ഥമാക്കി.
ശാസ്ത്രമേള, ഗണിതശാസ്ത്രമേള, സാമൂഹ്യശാസ്ത്രമേള, പ്രവർത്തിപരിചയമേള, ഐ.ടി. മേള എന്നീ അഞ്ച് വിഭാഗങ്ങളിലായി 165 വിദ്യാർത്ഥികളാണ് മോഡേൺ സ്കൂളിനുവേണ്ടി മാറ്റുരച്ചത്. 167 ഇനങ്ങളിൽ 137 എണ്ണത്തിലും മോഡേൺ സ്കൂളിലെ വിദ്യാർത്ഥികൾ എ ഗ്രേഡ് നേടിയെടുത്തു.
വിദ്യാർത്ഥികളിൽ ശാസ്ത്രാഭിരുചി വളർത്തുന്നതിനുവേണ്ടി സ്കൂൾ നടത്തിയ ചിട്ടയായ പ്രവർത്തനങ്ങളും അധ്യാപകരുടെയും രക്ഷിതാക്കളുടെയും നിസ്സീമമായ പിന്തുണയുമാണ് ഈ മഹത്തായ നേട്ടത്തിന് പിന്നിലെന്ന് സ്കൂൾ ചെയർമാൻ ഡോ. സി.പി. അലി ബാവ ഹാജി അഭിപ്രായപ്പെട്ടു. ശാസ്ത്രോത്സവത്തിലെ വിജയികളെയും അവർക്ക് പരിശീലനം നൽകിയ അധ്യാപകരെയും അദ്ദേഹം പ്രത്യേകം അനുമോദിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.