ചെന്നൈ: സ്വർണ്ണാഭരണങ്ങളും പണവും ഭൂമിയും തട്ടിയെടുക്കുക എന്ന ലക്ഷ്യത്തോടെ യുവതികളുമായി അടുപ്പം സ്ഥാപിച്ച് വഞ്ചന തുടർന്നു വന്ന സൂര്യ എന്ന യുവാവിനെ പോലീസ് അറസ്റ്റ് ചെയ്തു. വിവാഹ വാഗ്ദാനം നൽകി നിരവധി സ്ത്രീകളെ ഇയാൾ ചൂഷണം ചെയ്തതായി അന്വേഷണത്തിൽ തെളിഞ്ഞു. ചെന്നൈയിലെ ചുളൈ നഗർ സ്വദേശിയായ 24 വയസ്സുള്ള ഒരു സ്വകാര്യ ആശുപത്രിയിലെ നഴ്‌സ് നൽകിയ പരാതിയുടെ അടിസ്ഥാനത്തിലാണ് കേസിന്റെ തുടക്കം.
തമിഴ് മാട്രിമോണി വഴിയാണ് സൂര്യ യുവതിക്ക് സ്വയം പരിചയപ്പെടുത്തിയത്. വിവാഹം വാഗ്ദാനം ചെയ്ത് അടുപ്പം സ്ഥാപിച്ച ശേഷം ഒരുമിച്ച് ഭൂമി വാങ്ങാമെന്ന് പറഞ്ഞ് യുവതിയിൽ നിന്ന് എട്ട് ലക്ഷം രൂപയും ഒൻപത് പവൻ സ്വർണ്ണാഭരണങ്ങളും ഒരു ലാപ്ടോപ്പും വിലയേറിയ മൊബൈൽ ഫോണും ഇയാൾ കൈക്കലാക്കി. പണം ലഭിച്ച ശേഷം വിവാഹത്തിൽ നിന്ന് പിന്മാറിയതോടെയാണ് യുവതി അണ്ണാനഗർ ഓൾ വിമൻ പോലീസ് സ്റ്റേഷനിൽ പരാതി നൽകിയത്.
ൻസ്പെക്ടർ ലതയുടെ നേതൃത്വത്തിലുള്ള പ്രത്യേക അന്വേഷണ സംഘം നടത്തിയ പരിശോധനയിൽ ഞെട്ടിക്കുന്ന വിവരങ്ങളാണ് പുറത്തുവന്നത്. പരാതിക്കാരിയായ നഴ്സിനെ കൂടാതെ, ഏകദേശം 50-ൽ അധികം സ്ത്രീകളെ വിവാഹ വാഗ്ദാനത്തിലൂടെ ഇയാൾ വശീകരിച്ച് ലൈംഗികമായി ദുരുപയോഗം ചെയ്യുകയും വഞ്ചിക്കുകയും ചെയ്തിട്ടുണ്ട്. താൻ റിയൽ എസ്റ്റേറ്റ് ബിസിനസ്സുകാരനാണെന്ന് തെറ്റിദ്ധരിപ്പിച്ചാണ് ഇയാൾ ഓരോ യുവതിയുടെയും വിശ്വാസം നേടിയത്. വിശ്വാസം നേടിക്കഴിഞ്ഞാൽ ലൈംഗിക ബന്ധത്തിൽ ഏർപ്പെട്ട ശേഷം മൊബൈൽ ഫോൺ സ്വിച്ച് ഓഫ് ചെയ്ത് നഗരം വിടുന്നതായിരുന്നു ഇയാളുടെ രീതി. 50-ൽ അധികം സ്ത്രീകളെ താൻ ഈ രീതിയിൽ വഞ്ചിച്ചതായി സൂര്യ കുറ്റസമ്മത മൊഴിയിൽ പറഞ്ഞു. തുടർന്ന് തിരുനെൽവേലി ജില്ലയിൽ വെച്ച് അറസ്റ്റ് ചെയ്ത പ്രതിയെ ചെന്നൈയിലേക്ക് കൊണ്ടുവരുന്നതിനിടെ ഇയാൾ പോലീസിന്റെ കസ്റ്റഡിയിൽ നിന്ന് രക്ഷപ്പെടാൻ ശ്രമിക്കുകയും വീണ് വലതുകാലിന് പരിക്കേൽക്കുകയും ചെയ്തു. തുടർന്ന് ആശുപത്രിയിൽ ചികിത്സ നൽകിയ ശേഷം കോടതിയിൽ ഹാജരാക്കിയ സൂര്യയെ പിന്നീട് പുഴൽ ജയിലിലേക്ക് അയച്ചു. 50-ൽ അധികം സ്ത്രീകളെ വഞ്ചിച്ച ഈ പ്രതിയുടെ പിതാവ് ഒരു വിരമിച്ച കേന്ദ്ര ഇന്റലിജൻസ് ഏജൻസി ജീവനക്കാരനാണെന്ന വിവരവും പുറത്തുവരുന്നുണ്ട്.
ജയിലിൽ അടച്ച പ്രതിയെ അടുത്ത ദിവസം കനത്ത പോലീസ് സുരക്ഷയോടെ അമിങ്കരൈ താലൂക്ക് ഓഫീസിലാണ് ഹാജരാക്കിയത്. ഇവിടെ വെച്ച്, താലൂക്ക്ദാർ സൂര്യയോട് നല്ലനടപ്പ് സത്യവാങ്മൂലം (Good Conduct Bond) എന്താണെന്ന് അറിയാമോ എന്ന് ചോദിക്കുകയും അതിൻ്റെ വ്യവസ്ഥകൾ വായിച്ചു കേൾപ്പിക്കുകയും ചെയ്തു. സൂര്യയുടെ നല്ല പെരുമാറ്റം ഉറപ്പുവരുത്തുന്ന ഈ സത്യവാങ്മൂലം അനുസരിച്ച്, വഞ്ചിക്കപ്പെട്ട യുവതികളുമായി നേരിട്ടോ, എഴുത്തിലോ, വാക്കാലോ, ഇലക്ട്രോണിക് ഉപകരണങ്ങൾ വഴിയോ, മൂന്നാം കക്ഷി വഴിയോ ബന്ധപ്പെടാൻ പാടില്ല. കൂടാതെ, ഇരകളുടെ വീടുകളോ ജോലിസ്ഥലങ്ങളോ സന്ദർശിക്കാനോ ഇൻ്റർനെറ്റിൽ അവരെ പിന്തുടരാനോ പാടില്ല. ഈ വ്യവസ്ഥകൾ ലംഘിച്ചാൽ മൂന്ന് വർഷം തടവും ഒരു ലക്ഷം രൂപ പിഴയും ശിക്ഷ ലഭിക്കുമെന്ന് ജില്ലാ മജിസ്‌ട്രേറ്റ് പ്രതിക്ക് കർശന മുന്നറിയിപ്പ് നൽകി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.