നിങ്ങൾ കൊടുത്തില്ല,യോഗ്യതയുടെ അടിസ്ഥാനത്തിൽ ഞങ്ങൾ കൊടുത്തു.ദേശീയ അവാർഡുകളെ ബിജെപി രാഷ്ട്രീയവൽക്കരിക്കുകയാണെന്ന് കോൺഗ്രസ്..

മുംബൈ: ബോളിവുഡ് താരം ഷാരൂഖ് ഖാന് കോൺഗ്രസ് സർക്കാരുകൾ ഒരു അവാർഡും നൽകിയിട്ടില്ലെന്നും എന്നാൽ, തന്റെ പാർട്ടി അദ്ദേഹത്തെ പൂർണമായും യോഗ്യതയുടെ അടിസ്ഥാനത്തിലാണ് വിലയിരുത്തുന്നതെന്നും മഹാരാഷ്ട്ര ബിജെപി നേതാവ് രാജ് പുരോഹിത് പറഞ്ഞു

ബിജെപി ഒരിക്കലും മതത്തിന്റെ അടിസ്ഥാനത്തിൽ നടനെ വിലയിരുത്തിയിട്ടില്ലെങ്കിലും അദ്ദേഹത്തിന്റെ കഴിവുകളും പ്രകടനങ്ങളും തിരിച്ചറിഞ്ഞിട്ടുണ്ടെന്നും രാജ് പുരോഹിത് പറഞ്ഞു. ബിജെപി ജാതി, മത വിവേചനം നടത്തുന്നുവെന്ന ആരോപണത്തെ അവാർഡ് നേടിയ ഷാരൂഖ് എതിർക്കുന്നുണ്ടെന്നും അദ്ദേഹം പറഞ്ഞു.

തിരഞ്ഞെടുപ്പ് നേട്ടങ്ങൾക്കായി ദേശീയ അവാർഡുകളെ ഭരണകക്ഷിയായ ബിജെപി രാഷ്ട്രീയവൽക്കരിക്കുകയാണെന്ന് കോൺഗ്രസ് ആരോപിച്ചു. ഷാരൂഖ് ഖാന്‍ രാജ്യത്തിന്റെ സാംസ്‌കാരിക സ്വത്താണ്. എന്നാല്‍, അവാര്‍ഡിന്റെ സമയവും അതിനു ചുറ്റുമുള്ള രാഷ്ട്രീയ ആഖ്യാനങ്ങളും സംശയാസ്പദമാണെന്നും കോണ്‍ഗ്രസ് നേതാവും ലെജിസ്ലേറ്റീവ് കൗണ്‍സില്‍ അംഗവുമായ ഭായ് ജഗ്താപ് പ്രതികരിച്ചു

.