കൂറ്റനാട്: നാടൻ കിഴങ്ങുവിളകളുടെ കൃഷി പ്രോത്സാഹിപ്പിച്ച് തൃത്താലയെ ഒരു കിഴങ്ങുവിള ഗ്രാമമാക്കി മാറ്റാൻ വിപുലമായ പദ്ധതിക്ക് തുടക്കമാകുന്നു. തൃത്താല ബ്ലോക്കിലെ തിരഞ്ഞെടുക്കപ്പെട്ട 50 പട്ടികജാതി കർഷകരാണ് ഈ സംരംഭത്തിന് നേതൃത്വം നൽകുന്നത്. ഓരോ കർഷകനും 25 സെൻറ് സ്ഥലത്ത് വീതം കിഴങ്ങുവിളകൾ കൃഷി ചെയ്യും.
കേന്ദ്ര കിഴങ്ങുവിള ഗവേഷണ സ്ഥാപനം, സുസ്ഥിര തൃത്താല പദ്ധതി, കാർഷിക വികസന കർഷക ക്ഷേമ വകുപ്പ്, തദ്ദേശ സ്വയംഭരണ വകുപ്പ് എന്നിവയുടെ സംയുക്ത ആഭിമുഖ്യത്തിലാണ് ഈ പദ്ധതി നടപ്പാക്കുന്നത്. മരച്ചീനി, മധുരക്കിഴങ്ങ്, കൂർക്ക, ചേന തുടങ്ങിയ കിഴങ്ങുവിളകൾ കൃഷി ചെയ്യാനാവശ്യമായ വിത്തുകളും ഉത്പാദനോപാധികളും കേന്ദ്ര കിഴങ്ങുവിള ഗവേഷണ സ്ഥാപനം ലഭ്യമാക്കും.
കൃഷിയിലൂടെ ഉത്പാദിപ്പിക്കുന്ന വിളകൾക്ക് ന്യായവില നൽകി കർഷകരിൽനിന്ന് സംഭരിക്കുകയും ചെയ്യും. തൃത്താല ബ്ലോക്കിലെ എല്ലാ പഞ്ചായത്തുകളിലും കിഴങ്ങുവിളകളുടെ വിത്തുഗ്രാമങ്ങൾ വികസിപ്പിക്കുന്നതിന് ഈ പദ്ധതി സഹായം നൽകും.
പദ്ധതിയുടെ ജില്ലാതല ഉദ്ഘാടനം ശനിയാഴ്ച രാവിലെ പത്ത് മണിക്ക് തൃത്താല ബ്ലോക്ക് പഞ്ചായത്ത് ഹാളിൽ വെച്ച് മന്ത്രി എം.ബി. രാജേഷ് നിർവഹിക്കും. ബ്ലോക്ക് പഞ്ചായത്ത് പ്രസിഡൻ്റ് വി.പി. റെജീന അധ്യക്ഷയാകും
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.