കപ്പൂർ: കപ്പൂർ പഞ്ചായത്തിൽ രൂക്ഷമായ തെരുവുനായ ശല്യത്തിനെതിരെ അടിയന്തര നടപടി ആവശ്യപ്പെട്ട് യൂത്ത് ലീഗ് കപ്പൂർ പഞ്ചായത്ത് സെക്രട്ടറിക്ക് നിവേദനം നൽകി. നിലവിലെ സാഹചര്യം സെക്രട്ടറിക്ക് ബോധ്യപ്പെട്ടതായും എത്രയും പെട്ടെന്ന് നടപടിയെടുക്കാമെന്ന് അദ്ദേഹം ഉറപ്പ് നൽകിയതായും ഭാരവാഹികൾ അറിയിച്ചു.
തെരുവുനായ ശല്യം നിയന്ത്രിക്കുന്നതിന് നായ്ക്കളെ വന്ധ്യംകരിക്കുക, വാക്സിൻ കുത്തിവെക്കുക, പേവിഷബാധയുള്ളതും അക്രമകാരികളുമായ നായ്ക്കളെ ഉന്മൂലനം ചെയ്യുക എന്നീ മൂന്ന് മാർഗ്ഗങ്ങൾ മാത്രമേ നിലവിൽ സ്വീകരിക്കാൻ കഴിയൂ എന്ന് പഞ്ചായത്ത് സെക്രട്ടറി യൂത്ത് ലീഗ് ഭാരവാഹികളോട് വിശദീകരിച്ചു.
കപ്പൂർ പഞ്ചായത്ത് യൂത്ത് ലീഗ് ജനറൽ സെക്രട്ടറി സിറാജുദ്ദീൻ ആളത്ത്, കുമരനെല്ലൂർ ടൗൺ മുസ്ലിം ലീഗ് പ്രസിഡന്റ് ഫസൽ മാസ്റ്റർ, കെ.എം.സി.സി ഭാരവാഹി ഷെഫീഖ് എം.വി., പഞ്ചായത്ത് യൂത്ത് ലീഗ് ട്രഷറർ ജുനൈദ് മാരായംകുന്ന് എന്നിവർ നിവേദനം നൽകുന്ന ചടങ്ങിൽ പങ്കെടുത്തു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.