അണ്ണാമലെ ദേശീയ രാഷ്ട്രീയത്തിലേക്ക്, ബിജെപി ദേശീയ അധ്യക്ഷ സ്ഥാനത്തേക് ശോഭ സുരേന്ദ്രന്റെ പേരും പരിഗണനയിൽ..!

തമിഴ്നാട്: ഭാരതീയ ജനതാ പാർട്ടി അതിൻ്റെ പുതിയ ദേശീയ അധ്യക്ഷനെ തിരഞ്ഞെടുക്കാനൊരുങ്ങുന്ന ഈ ഘട്ടത്തിൽ, തമിഴ്നാട് നിയമസഭാ തിരഞ്ഞെടുപ്പുകൾ അടുത്തിരിക്കെ മുൻ സംസ്ഥാന അധ്യക്ഷനായ കെ. അണ്ണാമലയെ ദേശീയ തലത്തിലേക്ക് ഉയർത്താനുള്ള സാധ്യത ശക്തമാണ്.

അണ്ണാമലൈയുടെ നേതൃത്വത്തിൽ തമിഴ്നാട്ടിൽ ബിജെപിയുടെ വോട്ടു ഷെയർ വളരെ വർദ്ധിച്ചുവെന്നും, സംഘടനാ ഘടനയും പ്രവർത്തകരുടെ ഉണർവ്വും വളർന്നു എന്നതും അദ്ദേഹത്തിന്റെ പ്രധാന നേട്ടങ്ങളാണ്. ദക്ഷിണേന്ത്യയിൽ പാർട്ടിയുടെ വ്യാപനം ലക്ഷ്യമിടുന്ന ബിജെപിക്ക്, ഒരു യുവ നേതാവായ അണ്ണാമലയെ ദേശീയ അധ്യക്ഷനാക്കുന്നത് വലിയ രാഷ്ട്രീയ സന്ദേശം നൽകും. 

ഇത് പാർട്ടിയുടെ ദക്ഷിണ തന്ത്രം ശക്തിപ്പെടുത്താനും, യുവജനങ്ങളിൽ കൂടുതൽ ആകർഷണം നേടാനും സഹായകമാകും. എന്നാൽ, പാർട്ടിയുടെ അന്തിമ തീരുമാനത്തിൽ മറ്റ് മുതിർന്ന നേതാക്കളും സഖ്യ രാഷ്ട്രീയവും ആർഎസ്എസിന്റെ അഭിപ്രായവും പ്രധാനമായ പങ്ക് വഹിക്കും. അണ്ണാമലയെ ദേശീയ അധ്യക്ഷനാക്കുന്നത് തമിഴ്നാട്ടിൽ ബിജെപിയുടെ രാഷ്ട്രീയ മുന്നേറ്റത്തിന് പുതിയ ഉണർവ്വും, ദേശീയ തലത്തിൽ ഒരു തലമുറ മാറ്റത്തിനും വഴി തുറക്കും.

ഇതു കൂടാതെ പട്ടികയിലെ മറ്റു മത്സരാർത്ഥികൾ അണ്ണാമലയെ ക്കൂടാതെ ഭൂപേന്ദ്ര യാദവ്, ധർമേന്ദ്ര പ്രധാൻ, നിർമ്മല സീതാരാമൻ, വനതി ശ്രീനിവാസൻ തുടങ്ങിയവരും പട്ടികയിലുണ്ട്. അന്തിമ തീരുമാനത്തിൽ സംഘടനാ പരിചയം, ജാതി, പ്രദേശികത തുടങ്ങിയവ പരിഗണിക്കും.

പ്രധാനഘടകങ്ങൾ

 • കൂട്ടുകക്ഷി മാനേജ്മെന്റ്: തമിഴ്നാട്ടിൽ എഐഎഡിഎംകെയുമായി പുതിയ സഖ്യം നിലനിൽക്കുന്നതിനാൽ, സംസ്ഥാന നേതൃപങ്ക് സൂക്ഷ്മമായി കൈകാര്യം ചെയ്യേണ്ടതുണ്ട്. മുൻപ് അണ്ണാമലൈയുടെ “ബിജെപി മാത്രം” നിലപാട് സഖ്യത്തിൽ പ്രശ്നങ്ങൾ സൃഷ്ടിച്ചിരുന്നു.

 • ആർഎസ്എസ് സ്വാധീനം: ആർഎസ്എസിന്റെ സംഘടനാ പരിചയമുള്ളവരെ മുൻഗണന നൽകുന്നതുംഅടുത്തകാലത്ത് കാണാം.

വാൽകഷ്ണം- വനിതാ പ്രസിഡൻ്റിൻ്റെ പട്ടികയിൽ ശ്രീമതി ശോഭാസുരേന്ദ്രൻ പിന്നെ സ്മൃതിഇറാനി , ശ്രീമതി നിർമ്മലാസീതാരാമനും പിന്നെ സംഘsനയിൽ  പ്രധാന്യം ഉള്ള നേതാക്കളും പട്ടികയിൽ ഇടം നേടിയിട്ടുണ്ട്.