ന്യൂഡല്ഹി: ഡല്ഹിയില് വര്ധിച്ചുവരുന്ന തെരുവുനായ അക്രമങ്ങളില് ഇടപെട്ട് സുപ്രീം കോടതി. മാധ്യമ വാര്ത്തയുടെ അടിസ്ഥാനത്തില് സുപ്രീം കോടതി വിഷയത്തില് സ്വമേധയാ കേസെടുത്തു. ജസ്റ്റിസുമാരായ ജെ.ബി. പര്ഡിവാല, ആര്. മഹാദേവന് എന്നിവരടങ്ങിയ ബെഞ്ചാണ് സ്വമേധയാ കേസെടുത്തത്.
ഡല്ഹിയിലെ നഗരങ്ങളില് ദിവസവും നൂറുകണക്കിന് തെരുവുനായ ആക്രമണം നടക്കുന്നുവെന്ന് ബെഞ്ച് ചൂണ്ടിക്കാട്ടി. ഇതുമായി ബന്ധപ്പെട്ട് വന്ന വാര്ത്ത ഭയപ്പെടുത്തുന്നതും അസ്വസ്ഥപ്പെടുത്തുന്നതും ആണെന്നും സുപ്രീം കോടതി പറഞ്ഞു. കടിയേല്ക്കുന്ന കുട്ടികളും പ്രായമായവരും ഉള്പ്പടെ പലരും പേവിഷബാധിതരാകുന്നുവെന്നും സുപ്രീം കോടതി ചൂണ്ടിക്കാട്ടി.
സ്വമേധയാ എടുത്ത കേസ്, തുടര്നടപടികള്ക്കായി സുപ്രീം കോടതി ചീഫ് ജസ്റ്റിസ് ബി.ആര്. ഗവായിക്ക് മുമ്പാകെ സമര്പ്പിക്കാനും ജസ്റ്റിസ് ജെ.ബി. പര്ഡിവാലയുടെ ബെഞ്ച് നിര്ദേശിച്ചു. സുപ്രീം കോടതി രജിസ്ട്രിക്കാണ് നിര്ദേശംനല്കിയത്.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.