വിഴിഞ്ഞം: സീസണോടനുബന്ധിച്ച് വെള്ളിയാഴ്ച ഉച്ചയോടെ വിഴിഞ്ഞം തീരത്തടുത്ത വള്ളങ്ങള് നിറയെ വെള്ളക്ലാത്തി മീനുകൾ.
കടല് കനത്തെങ്കിലും വള്ളം നിറയെ ക്ലാത്തി മീന് കിട്ടിയതിന്റെ സന്തോഷത്തിലാണ് വിഴിഞ്ഞത്തെ മത്സ്യത്തൊഴിലാളികൾ. വെള്ളക്ലാത്തികൾ അടുത്ത ദിവസങ്ങളില് ചൈനയിലേക്ക് കപ്പല് കയറും.
വിഴിഞ്ഞത്ത് സീസണ് തുടങ്ങിയശേഷം ഇതാദ്യമായാണ് ഇത്രയധികം വെള്ളക്ലാത്തികള് തൊഴിലാളികള്ക്ക് ലഭിക്കുന്നത്. സീസണിനോടനുബന്ധിച്ച് വിഴിഞ്ഞത്ത് എത്തിയ സ്വദേശികളും തമിഴ്നാട്ടുകാരുമായ മത്സ്യത്തൊഴിലാളികളുടെ വലകളിലാണ് പ്രതീക്ഷക്കപ്പുറം ക്ലാത്തിമീനുകള് ലഭിച്ചത്. വലിപ്പമുളള ക്ലാത്തികള്ക്ക് ഒരെണ്ണത്തിന് 250 രൂപയോളം വില ലഭിച്ചതായി തൊഴിലാളികള് പറഞ്ഞു.
വിഴിഞ്ഞത്തുനിന്ന് കൊച്ചി അടക്കമുളള മൊത്തവ്യാപാരികള്ക്കാണ് ഇവ വില്ക്കുന്നത്. ഇത് പ്രധാനമായും ചൈനയിലേക്കാണ് കയറ്റി അയക്കുക. ആരോഗ്യകരവും മനുഷ്യശരീരത്തിനാവശ്യമായ കൊഴുപ്പ് ലഭിക്കുന്ന രുചിയുമുള്ള മീനായതിനാല് പുറംരാജ്യങ്ങളില് വെള്ളക്ലാത്തിക്ക് വന് ഡിമാന്ഡാണ്. ആഹാരമാക്കുന്നതിന് പുറമെ ഇതിന്റെ കട്ടിയുള്ള തൊലി ശസ്ത്രക്രിയയ്ക്കുള്ള നൂലുണ്ടാക്കുന്നതിനും ഉപയോഗിക്കുമെന്ന് വ്യാപാരികള് പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.