ആകാശത്തു വച്ച് ഇന്ധനം നിറയ്ക്കുന്നതിനുള്ള 6 എയർ ടാങ്കറുകൾ വാങ്ങാൻ വ്യോമസേന നടപടിയാരംഭിച്ചു

ന്യൂഡൽഹി: ആകാശത്തു വച്ച് ഇന്ധനം നിറയ്ക്കുന്നതിനുള്ള 6 എയർ ടാങ്കറുകൾ വാങ്ങാൻ വ്യോമസേന നടപടിയാരംഭിച്ചു. 4 കമ്പനികൾ കരാറിന് അപേക്ഷ സമർപ്പിച്ചിട്ടുണ്ടെന്നും സാങ്കേതിക പരിശോധന പുരോഗമിക്കുകയാണെന്നുമാണു വിവരം.

കമ്പനിയുടെ കാര്യം തീരുമാനമായാൽ ഇവയ്ക്കു സാങ്കേതിക പിന്തുണ നൽകാനുള്ള ഇന്ത്യൻ കമ്പനിയെ തീരുമാനിക്കും.

ഉസ്ബക്കിസ്ഥാനിൽ നിന്നു 2003ൽ സ്വന്തമാക്കിയ 6 ഐഎൽ 78 വിമാനമാണു വ്യോമസേന ഉപയോഗിക്കുന്നത്. ഇതിൽ മൂന്നോ നാലോ എണ്ണം മാത്രമാണ് ഒരു സമയത്തു സേവനത്തിനുണ്ടാകുക. 

ഈ സാഹചര്യത്തിലാണു കാലപ്പഴക്കം ചെന്ന ഈ വിമാനങ്ങൾ ഒഴിവാക്കാനുള്ള തീരുമാനം.