ജെയ്‌ഷെ മുഹമ്മദ് കമാൻഡർ പാകിസ്താനിൽ ദുരൂഹ സാഹചര്യത്തിൽ മരിച്ച നിലയിൽ

ന്യൂഡൽഹി: ജെയ്‌ഷെ മുഹമ്മദ് കമാൻഡറെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി.

ഇന്ത്യ വിരുദ്ധ പ്രസം​ഗ​ങ്ങളിലൂടെ കുപ്രസിദ്ധി നേടിയ അബ്ദുൾ അസീസ് ഇസാറിനെയാണ് പാകിസ്താനിലെ പഞ്ചാബ് പ്രവിശ്യയിൽ മരിച്ച നിലയിൽ കണ്ടെത്തിയത്.

ചൊവ്വാഴ്ച പുലർച്ചെ ഇസാറിന്റെ സഹായിയാണ് മൃതദേഹം കണ്ടത്. മരണത്തിൽ ദുരൂഹതയുണ്ടെന്നാണ് അടുത്ത വൃത്തങ്ങളിൽ നിന്നും ലഭിക്കുന്ന വിവരം.

അതേസമയം ജെയ്‌ഷെ മുഹമ്മദും ബന്ധപ്പെട്ട വൃത്തങ്ങളും വെടിയേറ്റുള്ള മരണം തള്ളിക്കളഞ്ഞിട്ടുണ്ടെങ്കിലും മരണകാരണമെന്തെന്ന് വ്യക്തമാക്കിയിട്ടില്ല.