കഥാകൃത്തും മാധ്യമ പ്രവർത്തകനും ആയിരുന്ന ഇ വി ശ്രീധരൻ അന്തരിച്ചു..

കോഴിക്കോട് ∙ കഥാകൃത്തും മാധ്യമപ്രവർത്തകനും കലാകൗമുദി സാഹിത്യ വിഭാഗം പത്രാധിപരുമായിരുന്ന  ഇ.വി. ശ്രീധരൻ (79) അന്തരിച്ചു. കോഴിക്കോട് വടകരയിലെ സ്വകാര്യ ആശുപത്രിയിലായിരുന്നു അന്ത്യം. കേരളകൗമുദിയിലും കലാകൗമുദിയിലും പത്രാധിപത സമിതി അംഗവുമായിരുന്നു.

കോൺഗ്രസിന്റെ മുഖപത്രമായ വീക്ഷണത്തിലും പ്രവർത്തിച്ചിട്ടുണ്ട്.എലികളും പത്രാധിപരും, ഈ നിലാവലയിൽ, താമരക്കുളത്തെ അമ്മുക്കുട്ടി, ഒന്നാംപ്രതി, ജാനകിയുടെ സ്മാരകം, ഓർമ്മയിലും ഒരു വിഷ്ണു, ലബോറട്ടറിയിലെ പൂക്കൾ തുടങ്ങിയവയാണ് പ്രധാന കഥാസമാഹാരങ്ങൾ.

ദൈവക്കളി, ഏതോ പൂവുകൾ, നന്ദിമാത്രം, കാറ്റുപോലെ എന്നിവ ശ്രീധരന്റെ നോവലുകളാണ്. സംസ്കാരം വള്ളിക്കാട് വടവത്തും താഴെപ്പാലം വീട്ടുവളപ്പിൽ നടക്കും

.