മുടികൊഴിച്ചിൽ കഷണ്ടിയും വല്ലാതെ ബുദ്ധിമുട്ടിക്കുന്നുണ്ടോ? തടയാനുള്ള വഴികൾ അറിയാം

മുടി കൊഴിച്ചിലും കഷണ്ടിയും ഇന്നത്തെ കാലത്ത് പലരും നേരിടുന്ന സാധാരണ പ്രശ്നങ്ങളാണ്.

മാറിയ ജീവിതശൈലി, മോശം ഭക്ഷണ ക്രമം, മോശം കേശ ആരോഗ്യം എന്നിവയെല്ലാം ഇതിന് കാരണമാകും. ഇന്നത്തെ കാലത്ത് കേശ സംരക്ഷണത്തിന് പല തരത്തിലുള്ള മാർഗങ്ങളുണ്ട്. വിപണിയിൽ ആധുനിക വൈദ്യശാസ്ത്രം നിർദ്ദേശിക്കുന്ന നിരവധി കേശ സംരക്ഷണ മാർഗങ്ങൾ സുലഭമായി ലഭിക്കും.

എന്നാൽ പലപ്പോഴും മുടി കൊഴിച്ചിലിന് പ്രകൃതിദത്തമായ മാർഗങ്ങളായിരിക്കും പലരും അന്വേഷിക്കുക. അങ്ങനെ നോക്കുമ്പോൾ പ്രകൃതിദത്തമായി ഇത് നൽകാവുന്ന ഏറ്റവും മികച്ച പ്രതിവിധിയാണ് ഉള്ളി നീർ. ശക്തമായ പോഷകങ്ങൾക്കും ചികിത്സാ ഗുണങ്ങൾക്കും പേരുകേട്ട ഉള്ളി നീർ മുടി വളർച്ചയ്ക്ക് ഫലപ്രദമായ മാർഗമാണ് എന്നാണ് വിദഗ്ധരുടെ അഭിപ്രായം.

ഉള്ളി നീരിൽ സൾഫർ, ആൻ്റി - ഓക്‌സിഡൻ്റുകൾ, ആൻ്റി - ഇൻഫ്ലമേറ്ററി ഗുണങ്ങൾ എന്നിവയുൾപ്പെടെ നിരവധി ഗുണകരമായ സംയുക്തങ്ങൾ അടങ്ങിയിരിക്കുന്നു. ഇവയെല്ലാം മുടി വളർച്ചയ്ക്ക് കാരണമാകും. ഇവയെല്ലാം മുടി വളർച്ചയെ എങ്ങനെയാണ് സഹായിക്കുന്നത് എന്ന് നോക്കാം.

കൊളാജൻ ഉൽപാദനത്തിന് സൾഫർ

മുടിയുടെ ഫോളിക്കിളുകളുടെ ആരോഗ്യത്തിന് അത്യന്താപേക്ഷിതമായ കൊളാജൻ്റെ ഒരു പ്രധാന ഘടകമാണ് സൽഫർ. കൊളാജൻ ഉൽപാദനത്തെ ഉത്തേജിപ്പിക്കാൻ ഉള്ളി നീർ സഹായിക്കുന്നു, ഇത് പുതിയ മുടിയുടെ വളർച്ചയെ പിന്തുണയ്ക്കുന്നു.

ആൻ്റി - ഓക്‌സിഡൻ്റുകൾ

ഫ്ലേവനോയ്ഡുകളും വൈറ്റമിൻ സിയും ഉള്ളിനീരിൽ  ഉള്ളതിനാൽ ഫോളിക്കിളുകളെ സംരക്ഷിക്കാൻ സഹായിക്കുന്ന  ഓക്സിഡേറ്റീവ് സമ്മർദം മുടി കോശങ്ങളെ നശിപ്പിക്കുകയും മുടി വളർച്ചയെ തടസ്സപ്പെടുത്തുകയും ചെയ്യും.

ആൻ്റി - ഇൻഫ്ലമേറ്ററി ഇഫക്ടുകൾ

തലയോട്ടിയിലെ വീക്കം ഉള്ളി നീർ സഹായിക്കും. ഇത് തലയോട്ടിയിലേക്കുള്ള രക്തചംക്രമണം മെച്ചപ്പെടുത്തുകയും, മുടിയുടെ ഫോളിക്കിളുകൾക്ക് ആരോഗ്യകരമായ വളർച്ചയ്ക്ക് ആവശ്യമായ പോഷകങ്ങളും ഓക്‌സിജനും ലഭിക്കുന്നുണ്ടെന്ന് ഉറപ്പാക്കുകയും ചെയ്യുന്നു.

ആൻ്റി - ബാക്ടീരിയൽ , ആൻ്റി - ഫംഗൽ ഗുണങ്ങൾ

ഉള്ളി നീരിൽ സ്വാഭാവിക ആൻ്റി ബാക്ടീരിയൽ, ആൻ്റി ഫംഗൽ ഗുണങ്ങളുണ്ട്. ഇത് മുടി കൊഴിച്ചിലിന് കാരണമായേക്കാവുന്ന തലയോട്ടിയിലെ അണുബാധ തടയാൻ സഹായിക്കുന്നു. പതിവായി തലയോട്ടിയിൽ ഉള്ളിനീർ പുരട്ടുന്നത് നിങ്ങളുടെ തലയോട്ടി വൃത്തിയുള്ളതും ആരോഗ്യകരവും മുടി വളർച്ചയെ കൂടുതൽ പ്രോത്സാഹിപ്പിക്കുകയും ചെയ്യും.