വിദേശകാര്യ മന്ത്രി എസ് ജയശങ്കറിന് നേരെ ഖാലിസ്ഥാൻ തീവ്രവാദികളുടെ ആക്രമണശ്രമം..!

ലണ്ടൻ: ലണ്ടനിൽ വിദേശകാര്യ മന്ത്രി എസ് ജയശങ്കറിൻ്റെ വാഹനം തടഞ്ഞ് ഖലിസ്ഥാൻ വാദികളുടെ ആക്രമണശ്രമം.

വ്യാഴാഴ്ച ഛത്തം ഹൗസിലെ പരിപാടി കഴിഞ്ഞ് കാറിൽ മടങ്ങുമ്പോഴാണ് ആക്രമണശ്രമം ഉണ്ടായത്. ഖലിസ്ഥാൻ പതാകകളുമായി മുദ്രാവാക്യം മുഴുക്കിയ ഒരുകൂട്ടം ആളുകളിൽനിന്ന് ഒരാൾ, മന്ത്രി പുറപ്പെടുമ്പോൾ വാഹനത്തിന് മുന്നിലേക്ക് ഓടിയടുക്കുകയായിരുന്നു.

തുടർന്ന് ഇയാൾ ഇന്ത്യൻ പതാക കീറി. ലണ്ടൻ പോലീസിൻ്റെ കൺമുന്നിലാണ് സംഭവം. ഉടൻതന്നെ പോലീസ് ഇയാളെ വാഹനത്തിന് മുന്നിൽനിന്ന് നീക്കി.