സുഹൃത്തുക്കൾക്കൊപ്പം പെരിയാറിൽ കുളിക്കാൻ ഇറങ്ങിയ യുവാവ് മുങ്ങി മരിച്ചു

കൊച്ചി: എറണാകുളം മലയാറ്റൂരിൽ പെരിയാറിൽ കുളിക്കാൻ ഇറങ്ങിയ യുവാവ് മരിച്ചു.

എറണാകുളം സ്വദേശി മുഹമ്മദ് റോഷൻ ആണ് മരിച്ചത്. 27 വയസായിരുന്നു. പിറന്നാൾ ആഘോഷിക്കാൻ എറണാകുളത്തുനിന്നെത്തിയതായിരുന്നു ഇവർ. 5 അംഗസംഘമാണ് അപകടത്തിൽപ്പെട്ടത്.

വൈകിട്ട് നാലുമണിയോടെ ഇവർ മലയാറ്റൂർ സെൻ്റ് തോമസ് പള്ളിക്ക് സമീപമുള്ള കടവിൽ കുളിക്കാൻ ഇറങ്ങുകയായിരുന്നു. അതിനിടയിൽ ആണ് അപകടത്തിൽ പെട്ടത്. റോഷൻ്റെ മൃതദേഹം ആശുപത്രിയിലേക്ക് മാറ്റി. പോലീസ് നടപടികൾക്ക് ശേഷം മൃതദേഹം വീട്ടുകാർക്ക് വിട്ടു നൽകും.