കുറ്റിപ്പാല വേദപുരം ശിവക്ഷേത്രത്തിൽ ശിവരാത്രി മഹോത്സവവും ലക്ഷദീപ സമർപ്പണവും ഫെബ്രുവരി 26-ന്

എടപ്പാൾ, കുറ്റിപ്പാല: വേദപുരം ശിവക്ഷേത്രത്തിൽ 2025 ഫെബ്രുവരി 26-ന് മഹാശിവരാത്രി മഹോത്സവം ഭക്തിപൂർവ്വം ആഘോഷിക്കും.

ക്ഷേത്രസമിതിയുടെ നേതൃത്വത്തിൽ വിവിധ പൂജകളും യജ്ഞങ്ങളും ഭക്തജനങ്ങൾക്കായി ഒരുക്കിയിരിക്കുന്നു. മഹോത്സവത്തിന്റെ ഭാഗമായി ഋഗ്വേദമന്ത്രധാര ഫെബ്രുവരി 17 മുതൽ 22 വരെ， 5 ദിവസവും രാവിലെ 5.30 മുതൽ 7.30 വരെ ഋഗ്വേദമന്ത്രധാര ആചരിക്കും. ശ്രീ ശങ്കരനാരായണൻ നമ്പൂതിരിയാണ് കാർമികത്വം   വഹിക്കുക . ഇതിനായി ഭക്തർ മുൻകൂട്ടി ബുക്ക് ചെയ്യേണ്ടതാണെന്ന് സംഘാടകർ അറിയിച്ചു  .

ശിവരാത്രിയോടനുബന്ധിച്  വിവിധ പൂജകളും ഹോമങ്ങളും ഭക്തർക്കായി  ക്ഷേത്രത്തിൽ നടത്തപ്പെടും . പുലർച്ചെ 3.30-ന് നടതുറക്കലോടെയാണ് ചടങ്ങുകൾ ആരംഭിക്കുക. അതിനുശേഷം 4.00-ന് ഗണപതിഹോമവും 6.00-ന് ഉദയാസ്തമന അഖണ്ഡനാമജപവും  നടക്കും. 10.30-ന് പന്തീരടിപൂജയും ഉച്ചയ്ക്ക് 12.00-ന് ഉച്ചപൂജയും നടക്കും.

മധ്യാഹ്ന ശാന്തിക്ക് ശേഷം 3.00-ന് അഭിഷേകവും മലർനിവേദ്യവും വൈകുന്നേരം ദീപാരാധനയോടുകൂടി ഗിരീഷ് ആലംകോട് നയിക്കുന്ന മേളവും  അരങ്ങേറും. തുടർന്ന് ഭദ്രദീപം തെളിയിക്കൽ, ലക്ഷംദീപ സമർപ്പണ മഹായജ്ഞം എന്നിവയും നടക്കും. ലക്ഷദീപ  മഹായജ്ഞം തിരുവില്ല്വാമല ചന്ദ്രസ്വാമിയുടെ നേതൃത്വത്തിൽ ആണ് നടത്തപ്പെടുന്നത്.

ശിവരാത്രി ആഘോഷങ്ങളുടെ ഭാഗമായി ഫെബ്രുവരി 23-ന് (ഞായർ) നവകം - പഞ്ചഗവ്യ പൂജകൾ  നടക്കും. ഈ ചടങ്ങുകൾ കരിയന്നൂർ ചെറിയ വാസുദേവൻ നമ്പൂതിരി തന്ത്രി നിർവഹിക്കും.

ഫെബ്രുവരി 24-ന് (തിങ്കൾ) വലിയ ധാരയും ,   ഫെബ്രുവരി 25-ന് (ചൊവ്വ) തൃകാലപൂജയും നടക്കും.

ശിവരാത്രി ദിനനാമായ ഫെബ്രുവരി 26ന്   മൂന്നു നേരവും അന്നദാനം ഒരുക്കിയിരിക്കുന്നതായും ക്ഷേത്രസമിതി അറിയിച്ചു. കൂടാതെ ശിവരാത്രി ആഘോഷങ്ങളുടെ ഭാഗമായി നൃത്തനൃത്യങ്ങൾ ഉണ്ടയിരിക്കും .