കളമശേരിയില്‍ ഗ്യാസ് സിലിണ്ടറുമായി വന്ന ലോറി ഇടിച്ചു; സ്‌കൂട്ടര്‍ യാത്രികയായ കെഎസ്‌ഇബി ഉദ്യോഗസ്ഥക്ക് ദാരുണാന്ത്യം

 കൊച്ചി: കളമശേരിയില്‍ വാഹനാപകടത്തില്‍ സ്കൂട്ടർ യാത്രക്കാരി മരിച്ചു. കെഎസ്‌ഇബി സീനിയർ സൂപ്രണ്ട് എടത്തല സ്വദേശി വിഎം മീനയാണ് മരിച്ചത്.

കളമശേരി എച്ച്‌എംടി ജംങ്ഷനിലാണ് അപകടം നടന്നത്. ഗ്യാസ് സിലിണ്ടറുകളുമായെത്തിയ ലോറി സ്കൂട്ടറിനു പിന്നില്‍ ഇടിച്ചാണ് അപകടം.

പോലീസ് വാഹന പരിശോധന നടത്തുന്നതിനിടെയാണ് അപകടം നടന്നത്. പൊലീസ് സംഘത്തിൻ്റെ മുന്നില്‍ വച്ചാണ് ലോറി സ്‌കൂട്ടറില്‍ ഇടിച്ചത്.

മൃതദേഹം എറണാകുളം ഗവണ്‍മെൻറ് മെഡിക്കല്‍ കോളേജ് ആശുപത്രിയില്‍ പോസ്റ്റ്മോർട്ടത്തിനായി സൂക്ഷിച്ചിരിക്കുകയാണ്.

ഭർത്താവ്: സുനില്‍കുമാർ (റിട്ടയേഡ് സീനിയർ സൂപ്രണ്ട് ഡി.ഇ.ഒ. ഓഫീസ്) മക്കള്‍: ഹരി ശങ്കർ, ജയശങ്കർ