വിദ്യാർത്ഥിയെ സഹപാഠിയുടെ പിതാവ് മർദ്ദിച്ചു

കാഞ്ഞിരംകുളം: വിദ്യാർത്ഥിയെ സഹപാഠിയുടെ പിതാവ്  മർദ്ദിച്ചു. കാഞ്ഞിരംകുളത്ത് ഇക്കഴിഞ്ഞ ആറാം തിയതിയാണ് സംഭവം നടന്നത്.

കാഞ്ഞിരംകുളം പി.കെ.എച്ച് എസ് സ്കൂളിലെ 8-ാം ക്ലാസ്സ് വിദ്യാർത്ഥിയായ ലിജിനാണ് സഹപാഠിയുടെ പിതാവിന്റെ മർദ്ദനം ഏറ്റത്. ക്ലാസ്സ് ലീഡറായ ലിജിൻ ക്ലാസ്സിൽ ബഹളം വെച്ചവരുടെ പേര് ബോർഡിൽ എഴുതി.

അതിൽ ക്ഷുഭിതനായ പിതാവ് കാഞ്ഞിരംകുളം ജംഗ്ഷനിൽ വച്ച് കുട്ടിയെ മർദ്ദിക്കുകയായിരുന്നു.

മർദ്ദനത്തിൽ പരിക്കേറ്റ ലിജിനെ നെയ്യാറ്റിൻകര ജനറൽ ആശുപത്രിയിലും തുടർന്ന് കാരക്കോണം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.

സഹപാഠിയുടെ പിതാവിനെതിരെ കാഞ്ഞിരംകുളം പോലീസ് എഫ്ഐആർ രജിസ്റ്റർ ചെയ്ത് കേസെടുത്തു.