വ്യോമസേനയുടെ സ്റ്റാഫ് ക്വാർട്ടേഴ്സിൽ ഗോൾ പോസ്റ്റു വീണ് ഏഴു വയസ്സുകാരൻ മരിച്ചു

ചെന്നൈ: ആവടിയിലെ വ്യോമസേനയുടെ സ്റ്റാഫ് ക്വാർട്ടേഴ്സിൽ ഗോൾ പോസ്റ്റു വീണ് ഏഴു വയസ്സുകാരൻ മരിച്ചു.

രാജേഷ് എന്ന ജീവനക്കാരന്റെ മകനും ഒന്നാം ക്ലാസ് വിദ്യാർഥിയുമായ അദ്വികാണ് മരിച്ചത്. വെള്ളിയാഴ്ച വൈകുന്നേരം കുട്ടികൾ കളിച്ചുകൊണ്ടിരിക്കുന്നതിനിടെ ആയിരുന്നു അപകടം. 

കല്ലിൽ ഉറപ്പിച്ചാണ് ഗോൾ പോസ്റ്റ് നിർത്തിയിരുന്നത്. ഗോൾ പോസ്റ്റ് മറിയുന്നതു കണ്ട് കുട്ടി ഓടിമാറാൻ ശ്രമിച്ചെങ്കിലും അപ്പോഴേക്കും തലയിലേക്ക് വീഴുകയായിരുന്നു.

ഉടൻ‌ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പൊലീസ് കേസെടുത്ത് അന്വേഷണം ആരംഭിച്ചു.