സഹപാഠിയെ ബലാത്സംഗം ചെയ്ത് കൊലപ്പെടുത്താൻ 100 രൂപ നല്‍കി ഏഴാം ക്ലാസുകാരൻ, നടപടി എടുക്കാതെ അധികൃതർ പരാതി,

പുനെയില്‍ സഹപാഠിയെ ബലാത്സംഗം ചെയ്ത് കൊലപ്പെടുത്താൻ 9 -ാം ക്ലാസുകാരന് 100 രൂപ നല്‍കി ഏഴാം ക്ലാസുകാരൻ.

ഏഴാം ക്ലാസുകാരൻ തനിക്കെതിരെ പരാതി പറഞ്ഞ തൻ്റെ സഹപാഠിയായ പെണ്‍കുട്ടിയെ ബലാത്സംഗം ചെയ്ത് കൊലപ്പെടുത്താൻ 9 -ാം ക്ലാസുകാരന് 100 രൂപ നല്‍കിയത്.പൂനെയുടെ സമീപപ്രദേശത്തുള്ള ദൗണ്ടിലെ തെഹ്‌സിലിലെ സെൻറ് സെബാസ്റ്റ്യൻ ഇംഗ്ലീഷ് സ്‌കൂളിലെ ഏഴാം ക്ലാസ് വിദ്യാർത്ഥിയാണ് തൻ്റെ സഹപാഠിയായ ഒരു വിദ്യാർത്ഥിനിയെ ബലാത്സംഗം ചെയ്ത് കൊലപ്പെടുത്താൻ 9 -ാം ക്ലാസിലെ മറ്റൊരു വിദ്യാർത്ഥിക്ക് 100 രൂപ നല്‍കിയതെന്ന ആരോപണം ഉയർന്നിരിക്കുന്നത്.

പണം ലഭിച്ച വിദ്യാർത്ഥി തന്നെയാണ് വിഷയം അധ്യാപകരോട് പറഞ്ഞതെന്നും മാധ്യമങ്ങള്‍ റിപ്പോർട്ട് ചെയ്തു. പരീക്ഷാ മാർക്ക് ലിസ്റ്റുകളില്‍ മാതാപിതാക്കളുടെ കള്ള ഒപ്പിട്ടത് സഹപാഠിയായ വിദ്യാർത്ഥിനി അധ്യാപകരോട് പറഞ്ഞു കൊടുത്തതിൻ്റെ ദേഷ്യമാണ് വിദ്യാർത്ഥി പണം വാഗ്ദാനം ചെയ്ത് കൊല നടത്താൻ ആവശ്യപ്പെട്ടതെന്നും റിപ്പോർട്ടുകള്‍ പറയുന്നു. 9 -ാം ക്ലാസ് വിദ്യാർത്ഥി പ്രൻസിപ്പലിനോടും മറ്റൊരു അധ്യാപകനോടും സംഭവത്തെ കുറിച്ച്‌ പറയുകയായിരുന്നു.

എന്നാല്‍, സ്കൂളിൻ്റെ സല്‍പ്പേരിന് കളങ്കം വരുമെന്ന് കരുതി 9 -ാം ക്ലാസ് വിദ്യാർത്ഥിയെ അധ്യാപകർ ഭീഷണിപ്പെടുത്തി വിടുകയായിരുന്നെന്നും അധ്യാപകർ, പണം വാഗ്ദാനം ചെയ്ത കുട്ടിക്കെതിരെ നടപടി എടുത്തില്ലെന്നും പെണ്‍കുട്ടിയുടെ പിതാവ് പരാതി നല്‍കിയതോടെയാണ് സംഭവം പുറത്തുവരുന്നത്.