കൊല്ക്കത്ത: തൃണമൂല് കോണ്ഗ്രസിനൊപ്പം ചേര്ന്ന പി.വി. അന്വര് എം.എല്.എയെ സംസ്ഥാനത്തിന്റെ ചുമതലയുള്ള കോ-ഓര്ഡിനേറ്ററായി നിയമിച്ചു. തൃണമൂല് കോണ്ഗ്രസ് ദേശീയ ജനറല് സെക്രട്ടറിയും ബംഗാള് മുഖ്യമന്ത്രിയും തൃണമൂല് അധ്യക്ഷയുമായ മമത ബാനര്ജിയുടെ അനന്തരവനുമായ അഭിഷേക് ബാനര്ജിയുമായി അന്വര് കൂടിക്കാഴ്ച നടത്തി.
ജനുവരി അവസാനമോ ഫെബ്രുവരി ആദ്യമോ മമതാ ബാനര്ജി കേരളത്തില് എത്തും. കോഴിക്കോട്ടോ മലപ്പുറത്തോ സംഘടിപ്പിക്കുന്ന പൊതുസമ്മേളനത്തില് മമത പങ്കെടുക്കും. ശനിയാഴ്ച പി.വി. അന്വറും മമത ബാനര്ജിയും ഒന്നിച്ച് വാര്ത്താസമ്മേളനം നടത്തുമെന്നും അന്വറിന്റെ ഓഫീസ് അറിയിച്ചു.
അന്വറിന്റെ പൊതുസേവനത്തിനായുള്ള സമര്പ്പണവും കേരളത്തിലെ ജനങ്ങളുടെ അവകാശങ്ങള്ക്കുവേണ്ടിയുള്ള പോരാട്ടവും തൃണമൂല് കോണ്ഗ്രസിന്റെ ദൗത്യത്തെ ശക്തിപ്പെടുത്തുമെന്നും അഭിഷേക് ബാനര്ജിയുടെ എക്സിലെ കുറിപ്പിലുണ്ട്. രാജ്യത്തെ ജനങ്ങളുടെ ക്ഷേമത്തിന് വേണ്ടി യോജിച്ചു പ്രവര്ത്തിക്കുമെന്ന് തൃണമൂല് കോണ്ഗ്രസിന്റെ ഔദ്യോഗിക എക്സ് പ്ലാറ്റ്ഫോമില് കുറിച്ചു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.