കഥാപ്രസംഗ മേഖലയിൽ അനന്യ സംഭാവന : ഭാരത് സേവക് സമാജ് പുരസ്കാരം ഭാസുരയ്ക്ക്.

എടപ്പാൾ: കഥാപ്രസംഗ രംഗത്തെ അസാധാരണമായ സംഭാവനകൾക്ക് ഭാരത് സേവക് സമാജ് പുരസ്കാരം ഭാസുരക്ക്

മലപ്പുറം വട്ടംകുളം ചോലക്കുന്നു സ്വദേശിയായ  ഭാസുര നാല് പതിറ്റാണ്ടിലധികമായി കഥാപ്രസംഗ രംഗത്ത് പ്രാഗത്ഭ്യം തെളിയിച്ച കലാകാരിയാണ്  

കേരളത്തിനകത്തും കേരളത്തിന് പുറത്ത് മുംബൈ, കർണാടക, നാസിക്ക്, എന്നിവിടങ്ങളിലും കഥാപ്രസംഗം അവതരിപ്പിച്ചിട്ടുണ്ട് .. പുരാണകഥകളും സാമൂഹിക വിഷയങ്ങളും ആസ്പദമാക്കി രൂപകൽപന ചെയ്ത 15-ലധികം കഥാപ്രസംഗങ്ങൾ വിവിധ വേദികളിൽ അവതരിപ്പിച്ച് പ്രേക്ഷകഹൃദയം കീഴടക്കിയ ഭാസുര, കലാരംഗത്തെ ഒരു അപൂർവ പ്രതിഭയാണ്.

കഥാപ്രസംഗത്തിന്റെ പരമ്പരാഗത ശൈലിയിൽ നിന്ന് മാറി  പുതിയ ഭാവം  നൽകിയതിന് പുറമെ, നാടകവും ടെലിഫിലിമുകളും ഉൾപ്പെടെ വിവിധ കലാമാധ്യമങ്ങളിലും അഭിനയമികവ് തെളിയിച്ചിട്ടുള്ള വനിതയാണ് ഭാസുര .

ഭാരത് സേവക് സമാജ് പുരസ്കാരം ഭാസുരയുടെ കലാജീവിതത്തിലെ മറ്റൊരു പൊൻതൂവൽ ആണ് .