വിവാഹ ശേഷം ഭാര്യവീട്ടില്‍ ആദ്യ വിരുന്നിനെത്തി; പുഴയില്‍ കുളിക്കാനിറങ്ങിയ നവവരന് ദാരുണാന്ത്യം,

കോട്ടക്കല്‍: വിവാഹ ശേഷം ഭാര്യവീട്ടില്‍ ആദ്യ വിരുന്നിനെത്തിയ നവവരൻ മുങ്ങി മരിച്ചു. ബന്ധുക്കള്‍ക്കും വീട്ടുകാർക്കുമൊപ്പം പുഴയില്‍ കുളിക്കുന്നതിനിടെയാണ് ദാരുണാന്ത്യം.

പേരാമ്പ്ര മേപ്പയൂർ വാളിയില്‍ ബംഷീർ-റംല ദമ്പതികളുടെ മകൻ 24 കാരനായ മുഹമ്മദ് റോഷനാണ് മരിച്ചത്. കടലുണ്ടിപ്പഴയില്‍ എടരിക്കോട് മഞ്ഞമാട് കടവില്‍ തിങ്കളാഴ്ച ദിവസം ഉച്ചയോടെയായിരുന്നു അപകടം.

കോട്ടക്കലിലെ സ്വകാര്യ ആശുപത്രിയില്‍ ചികിത്സയില്‍ കഴിയവെ ചൊവ്വാഴ്ച വൈകിട്ടാരുന്നു മരണം. ചുടലപ്പാറ പത്തൂർ ഹംസക്കുട്ടിയുടെ മകള്‍ റാഹിബയുമായി കഴിഞ്ഞ 21നായിരുന്നു റോഷന്റെ വിവാഹം.