ഇരിട്ടി (കണ്ണൂർ): പായം, കരിയാൽ, വട്ട്യറ, എരുമത്തടം ജനവാസ കേന്ദ്രങ്ങളിൽ 2 കാട്ടാനകൾ എത്തി. വ്യാഴാഴ്ച പുലർച്ചെ 4.30ന് പായം കര്യാൽ മേഖലയിൽ പത്ര വിതരണം നടത്തുന്നവരാണ് ആനയെ ആദ്യം കണ്ടത്. പിന്നീടു ജനവാസ മേഖലയിലേക്ക് ആനകൾ മാറി. വനപാലകരും പൊലീസും എത്തി ആനയെ തുരത്താൻ ശ്രമിച്ചതോടെ ആനകൾ 2 ഭാഗത്തേക്കു മാറി. ഇതോടെ നാട്ടുകാർ ഭീതിയിലായി.
എരുമത്തടം പുഴയരികിലെ അക്വേഷ്യ കാടിൽ ഒരാനയും മറ്റൊന്നു ജബ്ബാർ കടവ് കരിയാൻ മെയിൻ റോഡ് മുറിച്ചുകടന്നു ഡ്രൈവിങ് ടെസ്റ്റ് ഗ്രൗണ്ടിന്റെ പരിസരപ്രദേശത്തെ പറമ്പിലേക്കും ഓടിക്കയറിയ നിലയിലാണ്. ജനവാസ മേഖലയിൽ ആന ഇറങ്ങിയതോടെ പായം ഗവ. യുപി സ്കൂളിനും വട്ട്യറ എൽപി സ്കൂളിനും അവധി പ്രഖ്യാപിച്ചു. ആന ഇറങ്ങിയതറിഞ്ഞു വലിയ ജനക്കൂട്ടമാണു മേഖലയിൽ തടിച്ചുകൂടിയിരിക്കുന്നത്. ഏത് ആന തിരിച്ചുവരുമെന്നറിയാതെ പ്രധാന റോഡുകളിൽ എല്ലാം ഗതാഗത നിയന്ത്രണം ഏർപ്പെടുത്തി.
രണ്ടാനകളെയും ഒരുമിച്ചെത്തിച്ച ശേഷം വേണം ബാവലി പുഴയിലൂടെ ആറളം ഫാം മേഖലയിൽ എത്തിക്കാൻ.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.