സിബിഐയുടെ അപ്രതീക്ഷിത നീക്കം; വാളയാര്‍ കേസില്‍ അച്ഛനും അമ്മയും പ്രതികള്‍, കുറ്റപത്രം നല്‍കി സിബിഐ,

കൊച്ചി: വാളയാർ കേസില്‍ അച്ഛനെയും അമ്മയെയും പ്രതി ചേർത്ത് സിബിഐ കുറ്റപത്രം. ബലാത്സംഗ പ്രേരണാകുറ്റമാണ് ചുമത്തിയത്.ആറ് കേസുകളിലാണ് സി ബി ഐ കുറ്റപത്രം സമർപ്പിച്ചത്.

കേസുമായി ബന്ധപ്പെട്ട് തുടരന്വേഷണത്തിന് ഹൈക്കോടതി നിർദേശം നല്‍കിയിരുന്നു. ഇതില്‍ പ്രദേശവാസികളടക്കമുള്ളവരെ പ്രതിചേർത്ത് കുറ്റപത്രം സമർപ്പിച്ചിരുന്നു. എന്നാല്‍ കോടതി ഇത് തള്ളുകയാണുണ്ടായത്. വിശദമായ അന്വേഷണം നടത്തണമെന്നും കോടതി അന്ന് നിർദേശിച്ചിരുന്നു. തുടർന്ന് നടന്ന അന്വേഷണത്തിലാണ് മാതാപിതാക്കളെ പ്രതിയാക്കിയത്.

കുട്ടികള്‍ പീഡിപ്പിക്കപ്പെട്ടത് മാതാപിതാക്കള്‍ക്ക് അറിവുണ്ടായിരുന്നുവെന്നും ഇതിനാലാണ് ആത്മഹത്യാപ്രേരണക്കുറ്റം ചുമത്തിയതെന്നുമാണ് റിപ്പോർട്ടുകള്‍. സംഭവത്തെക്കുറിച്ച്‌ അറിഞ്ഞ മാതാപിതാക്കള്‍ മൗനം പാലിച്ചു.

യഥാസമയം പൊലീസില്‍ വിവരമറിയിച്ചിരുന്നില്ലെന്നും കുറ്റപത്രത്തിലുണ്ട്. മാതാപിതാക്കളെ സാക്ഷികളാക്കിയിരുന്നു നേരത്തെ റിപ്പോർട്ട് നല്‍കിയത്.