മുംബൈ: സ്ത്രീയുടെ മൃതദേഹം മുംബൈയിലെ മാളിൻ്റെ ബേസ്മെൻ്റിൽ പൊങ്ങിക്കിടക്കുന്ന നിലയിൽ കണ്ടെത്തി.
ചൊവ്വാഴ്ച രാവിലെ മുംബൈയിലെ ഭാണ്ഡൂപ്പ് ഏരിയയിലെ ഒരു മാളിൻ്റെ ബേസ്മെൻ്റിൽ തിരിച്ചറിയാൻ കഴിയാത്ത രീതിയില്‍ ആണ് മൃതദേഹം. മാളിലെ ജീവനക്കാർ നിലവറയിൽ അടിഞ്ഞുകൂടിയ വെള്ളത്തിൽ പൊങ്ങിക്കിടക്കുന്ന നിലയിലാണ് മൃതദേഹം കണ്ടെത്തിയത്.
മൃതദേഹം പോസ്റ്റ്‌മോർട്ടത്തിനായി അയച്ചിട്ടുണ്ടെന്നും യുവതിയെ തിരിച്ചറിയാൻ അന്വേഷണം നടക്കുകയാണെന്നും പോലീസ് ഉദ്യോഗസ്ഥനെ ഉദ്ധരിച്ച് പിടിഐ റിപ്പോർട്ട് ചെയ്തു. അസ്വാഭാവിക മരണത്തിനാണ് കേസെടുത്തിരിക്കുന്നത്.
മറ്റൊരു സംഭവത്തിൽ, തിങ്കളാഴ്ച ദക്ഷിണ മുംബൈയിലെ നരിമാൻ പോയിൻ്റിലെ പഞ്ചനക്ഷത്ര ഹോട്ടലിൽ പ്രായമായ സ്ത്രീയെ മരിച്ച നിലയിൽ കണ്ടെത്തി. വിനൗതി മേത്തൻ ( 60) എന്ന സ്ത്രീയുടെ മൃതദേഹം ഞായറാഴ്ച ഉച്ചയോടെ കണ്ടെത്തിയതായി മറൈൻ ഡ്രൈവ് പോലീസ് സ്റ്റേഷൻ ഉദ്യോഗസ്ഥനെ ഉദ്ധരിച്ച് പിടിഐ റിപ്പോർട്ട് ചെയ്തു .
"അവളുടെ ശരീരത്തിൽ മുറിവുകളൊന്നും ഇല്ല, മരണവുമായി ബന്ധപ്പെട്ട് സംശയാസ്പദമായ ഒന്നും ഇതുവരെ കണ്ടെത്തിയിട്ടില്ല. മരണകാരണം അറിയാൻ ആന്തരാവയവങ്ങളുടെ സാമ്പിൾ ഫോറൻസിക് പരിശോധനയ്ക്ക് അയച്ചിട്ടുണ്ട്," അദ്ദേഹം പറഞ്ഞു.
കഴിഞ്ഞ രണ്ടാഴ്ചയായി യുവതി ഹോട്ടലിൽ താമസിച്ചിരുന്നതായി ഉദ്യോഗസ്ഥർ പറഞ്ഞു. വാതിലിൽ മുട്ടിയിട്ടും അവളുടെ ഫോണിൽ വിളിച്ചിട്ടും അവൾ പ്രതികരിച്ചില്ല, തുടർന്ന് ഹോട്ടൽ ജീവനക്കാർ പോലീസിൽ അറിയിച്ചു.
അപകട മരണ റിപ്പോർട്ട് (എഡിആർ) രജിസ്റ്റർ ചെയ്തിട്ടുണ്ടെന്നും കൂടുതൽ അന്വേഷണം നടക്കുകയാണെന്നും അദ്ദേഹം പറഞ്ഞു.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന്‍ സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.