പാലക്കാട്: വാളയാറിൽ മതിയായ രേഖകളില്ലാതെ കാറിൽ കടത്തിയ ഒരുകോടി രൂപ പോലീസ് പിടികൂടിയ സംഭവത്തിൽ എൻഫോഴ്സ്‌മെന്റ് വിഭാഗം അന്വേഷണം തുടങ്ങി.
ബി.ജെ.പി. വണ്ടാഴി മണ്ഡലം മുൻ വൈസ്‌പ്രസിഡന്റ് പ്രസാദ് സി. നായർ (53) സഞ്ചരിച്ച കാറിലായിരുന്നു പണമുണ്ടായിരുന്നത്. ഇദ്ദേഹത്തെയും ഡ്രൈവർ പ്രശാന്തിനെയും (32) പോലീസ് കസ്റ്റഡിയിലെടുത്തിരുന്നു. ഇവരെ ചോദ്യംചെയ്ത് ഉപാധികളോടെ വിട്ടയച്ചു. കോടതിയിൽ ഹാജരാക്കിയ പണം ബുധനാഴ്ച ട്രഷറിയിലേക്ക് മാറ്റി.ചൊവ്വാഴ്ച രാത്രി പത്തോടെയാണ് വാളയാർ ടോൾപ്ലാസയിൽ വാഹനപരിശോധനക്കിടെ കാറിൽ ഒരുകോടി രൂപ കണ്ടെത്തിയത്. ബെംഗളൂരുവിൽനിന്ന് ആലത്തൂരിലേക്ക് വരികയായിരുന്നു കാർ. ഇൻസ്പെക്ടർ എൻ.എസ്. രാജീവ്, എസ്.ഐ. ജെയ്സൺ എന്നിവരുടെ നിർദേശപ്രകാരം എസ്.ഐ. പ്രകാശിന്റെ നേതൃത്വത്തിലുള്ള സംഘമാണ് പരിശോധന നടത്തിയത്.
രേഖകളില്ലാതെയായിരുന്നു പണം കടത്തിയതെന്ന് പോലീസ് പറഞ്ഞു. രേഖകൾ ഹാജരാക്കിയാൽ മാത്രമേ പണം വിട്ടുനൽകൂവെന്നും എൻഫോഴ്സ്‌മെന്റ് വിഭാഗം തുടർനടപടി സ്വീകരിച്ചുവരികയാണെന്നും വാളയാർ പോലീസ് പറഞ്ഞു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.