ആരോഗ്യം നിലനിർത്തുകയോ മെച്ചപ്പെടുത്തുകയോ ചെയ്യുന്ന ഭക്ഷണക്രമമാണ് ആരോഗ്യകരമായ ഭക്ഷണക്രമം

തിരക്ക് പിടിച്ച ജീവിതത്തിനിടയിൽ പലർക്കും ആരോഗ്യം നോക്കാൻ സമയം കിട്ടാറില്ല. ആരോഗ്യം നിലനിർത്തുകയോ മെച്ചപ്പെടുത്തുകയോ ചെയ്യുന്ന ഭക്ഷണക്രമമാണ് ആരോഗ്യകരമായ ഭക്ഷണക്രമം.

ദിവസവും പഴങ്ങളും പച്ചക്കറികളും കഴിക്കുക. നിങ്ങളുടെ ദൈനംദിന ഭക്ഷണത്തിൽ 5 വ്യത്യസ്ത പഴങ്ങളും പച്ചക്കറികളും ഉൾപ്പെടുത്തുന്നത് എല്ലായ്‌പ്പോഴും പ്രയോജനകരമാണ്.കൊഴുപ്പ് അടങ്ങിയ ഭക്ഷണത്തിൻ്റെ ഉപയോഗവും പൂരിത കൊഴുപ്പുകളും (പൂരിത കൊഴുപ്പ്) കുറയ്ക്കുക. വനസ്പതി, പന്നിക്കൊഴുപ്പ്, വെണ്ണ എന്നിവ ഒഴിവാക്കുക.

അവയിൽ പൂരിത കൊഴുപ്പാണ് ഉള്ളത്. നിങ്ങളുടെ കൊളസ്ട്രോൾ അളവ് കൂടുകയും അമിതവണ്ണത്തിനും ഹൃദ്രോഗത്തിനും കാരണമാകും.ആവശ്യത്തിന് മാത്രം ഭക്ഷണം കഴിക്കുക. ആരോഗ്യത്തോടെ ഇരിക്കാനും പൊന്നത്തടി കുറയ്ക്കാനും ആവശ്യത്തിനു മാത്രം അല്ലെങ്കിൽ വിശക്കുമ്പോൾ മാത്രം ഭക്ഷണം കഴിക്കുക. തൊട്ടുമുൻപ് ആഹാരം ദഹിച്ചതിനു ശേഷം മാത്രം അടുത്തത് കഴിക്കുക.ആവശ്യത്തിന് വെള്ളം കുടിക്കുക. ദിവസവും 8 മുതൽ 10 ഗ്ലാസ് വരെ വെള്ളം കുടിക്കുന്നത് ശരീരത്തിലെ വിഷാംശം കുറയ്ക്കാൻ സഹായിക്കുന്നു. 

കുറഞ്ഞ ജല ഉപയോഗം നിർജ്ജലീകരണം, താഴ്ന്ന രക്തസമ്മർദ്ദം, തലകറക്കം, ബലഹീനത തുടങ്ങിയവയുണ്ടാകും.ആരോഗ്യകരമായ ലഘുഭക്ഷണങ്ങൾ ഉൾപ്പെടുത്തുക. ഭക്ഷണത്തിനിടയിലുള്ള ഇടവേളകളിൽ വിശപ്പകറ്റാൻ ആരോഗ്യകരമായ ലഘുഭക്ഷണങ്ങൾ കഴിക്കുക. നിങ്ങളുടെ ഭക്ഷണത്തിൽ പരിപ്പ്, പയർ, നട്ട്‌സ് എന്നിവ ഉൾപ്പെടുത്തുക.പ്രോട്ടീൻ ഉപയോഗം കൂട്ടുക. ഉയർന്ന പ്രോട്ടീൻ ഭക്ഷണക്രമം എപ്പോഴും ഉറപ്പാക്കുക. അത് നിങ്ങളെ കൂടുതൽ നേരം വിശപ്പ് അകറ്റുകയും ശരീരത്തിലെ കോശങ്ങൾക്ക് ലഭ്യമാകുകയും ചെയ്യുന്നു.പഞ്ചസാരയുടെ അളവ് പരിമിതപ്പെടുത്തുക. 

പഞ്ചസാര നമ്മുടെ ഭക്ഷണത്തിന് ടേസ്റ്റ് തരുന്ന ഒരു വസ്തുവാണ്, അത് നമ്മുടെ നിത്യജീവിതത്തിൽ ഒരു ആവശ്യവുമില്ല. പഞ്ചസാര കുറയ്ക്കുകയോ ഒഴിവാക്കാൻ പറ്റുമെങ്കിൽ അങ്ങനെ ചെയ്യുന്നതാണ് ഏറ്റവും നല്ലത്.നല്ല പാചകരീതി പിന്തുടരുക എണ്ണയിൽ വറുത്തതോ, കൊഴുപ്പ് കൂടിയ ഭക്ഷണങ്ങളോ കഴിക്കുന്നതിന് പകരം നിങ്ങൾ ആവിയിൽ വേവിച്ചതും, തിളപ്പിച്ച് പാചകം ചെയ്തതും ആയിരിക്കണം.പാക്ക് ചെയ്തതും സംസ്കരിച്ചതുമായ ഭക്ഷണങ്ങൾ ഒഴിവാക്കുക. അവയിൽ ഉയർന്ന ഭക്ഷണവും പലതരം പ്രിസർവേറ്റീവ്സുകളും അടങ്ങിയിട്ടുണ്ട്.