യുവതിയെ ബലാത്സംഗം ചെയ്ത അറുപതുകാരൻ പിടിയിൽ.

തിരുവനന്തപുരം: തിരുവനന്തപുരം കടയ്ക്കാവൂരിൽ  യുവതിയെ പീഡിപ്പിച്ച അറുപതുകാരൻ പോലീസ് പിടിയിൽ.

ചിറയിൻകീഴ് സ്വദേശി ഉദയകുമാറിനെയാണ് യുവതിയുടെ പരാതിയിൽ പൊലീസ് അറസ്റ്റ് ചെയ്തത്. കോടതി വ്യവഹാരങ്ങളിൽ നിയമസഹായം നൽകാമെന്ന് വാഗ്ദാനം ചെയ്താണ് ഇയാൾ യുവതിയുമായി അടുത്ത സൗഹൃ​ദം സ്ഥാപിച്ചത്. പിന്നീട് ഇയാൾ യുവതിയെ ബലാൽസംഗം ചെയ്യുകയായിരുന്നു.

യുവതി പരാതി നൽകിയതിന് പിന്നാലെ ഇയാൾ ഒളിവിൽ ആയിരുന്നു. നാല് പോലീസ് സ്റ്റേഷനുകളിലായി ബലാൽസംഗം, പണം തട്ടിയെടുക്കൽ എന്നീ കുറ്റകൃത്യങ്ങളിൽ ഉൾപ്പെടെ 11 കേസുകൾ ഇയാൾക്കെതിരെയുണ്ടെന്ന് പൊലീസ് പറഞ്ഞു.