ചികിത്സയ്ക്ക് പണമാവശ്യപ്പെട്ടിട്ട് നല്‍കിയില്ല; വീണ്ടും കരുവന്നൂര്‍ ബാങ്കിനെതിരെ പരാതിയുമായി നിക്ഷേപകൻ,

തുശ്ശൂർ: കരുവന്നൂർ ബാങ്കിനെതിരെ പരാതിയുമായി നിക്ഷേപകൻ. ചികിത്സയ്ക്ക് പണം നിഷേധിച്ചെന്നാണ് മാടായിക്കോണം സ്വദേശിയായ നെടുപുറത്ത് ഗോപിനാഥന്റെ പരാതി.

ബാങ്കില്‍ 30 ലക്ഷത്തിലേറെ നിക്ഷേപമുണ്ട്. പത്ത് ലക്ഷം രൂപയാണ് ചികിത്സക്ക് ആവശ്യമായി വേണ്ടത്. എന്നാല്‍ ബാങ്ക് 3 തവണയായി നല്‍കിയത് ഒന്നരലക്ഷം മാത്രമെന്ന് ഗോപിനാഥന്റെ ഭാര്യ പ്രഭ വ്യക്തമാക്കി.

2015 ല്‍ ഉണ്ടായ അപകടത്തില്‍ ഗോപിനാഥന്റെ തുടയെല്ല് പൊട്ടിയിരുന്നു. കുറച്ച്‌ മാസങ്ങള്‍ക്ക് മുമ്പ് തുടയില്‍ പഴുപ്പ് കയറി ഗുരുതരമായി. ശസ്ത്രക്രിയക്ക് പണമാവശ്യപ്പെട്ടിട്ടും ബാങ്ക് നല്‍കിയില്ലെന്ന് ഗോപിനാഥിന്റെ ഭാര്യ പ്രഭ പറഞ്ഞു.