ലോഡിങ്ങിനിടെ ടോറസ് ലോറി ചരിഞ്ഞു; വാഹനത്തിനടിയില്‍പെട്ട് ഡ്രൈവര്‍ക്ക് ദാരുണാന്ത്യം,

കൊച്ചി: ആലുവ എടയാറില്‍ ടോറസ് ലോറി ചരിഞ്ഞ് ഡ്രൈവർ മരിച്ചു. മൂവാറ്റുപുഴ മുളവൂർ പേഴയ്ക്കപ്പിള്ളി  ജനവീട്ടില്‍ അജു മോഹനനാണ് (38) മരിച്ചത്.

ക്രഷറില്‍ ലോഡ് കയറ്റുന്നതിനിടെ ആയിരുന്നു അപകടം. പുലർച്ചെ മൂന്നുമണിയോടെയായിരുന്നു അപകടം ഉണ്ടായത്. ലോഡ് കയറ്റുന്നതിനിടെ ലോറി ചരിയുകയും അതിനടിയില്‍ പെടുകയുമായിരുന്നു.

ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ആശുപത്രിയില്‍ സൂക്ഷിച്ചിരിക്കുകയാണ്.