നെടുമ്പ്രത്ത് രണ്ട് ക്ഷേത്രങ്ങളിൽ കവർച്ച-മോഷ്ടാവിനെ കുറിച്ച് പോലീസിന് സൂചന ലഭിച്ചതായി സൂചന

തിരുവല്ല: നെടുമ്പ്രത്ത് രണ്ട് ക്ഷേത്രങ്ങളിൽ കവർച്ച.

ക്ഷേത്രത്തിൽ സ്ഥാപിച്ചിരുന്ന സി.സി.ടി.വിയിൽ മോഷ്ടാവിൻ്റെ ദൃശ്യങ്ങൾ പതിഞ്ഞു. നെടുമ്പ്രം കടയാൻ സുബ്രഹ്മണ്യസ്വാമി ക്ഷേത്രം, പുത്തൻകാവ് ദേവീക്ഷേത്രം കെട്ടിടമാണ് മോഷണം നടന്നത്. പുത്തൻകാവ് ദേവീക്ഷേത്രത്തിലെ നാല് കാണിക്കവഞ്ചികളും, സുബ്രഹ്മണ്യസ്വാമി ക്ഷേത്രത്തിലെ ഒരു കാണിക്കവഞ്ചിയും കുത്തിത്തുറന്നാണ് മോഷണം നടത്തിയത്.

ശനിയാഴ്ച പുലർച്ചെ ആറുമണിയോടെ ക്ഷേത്രജീവനക്കാർ എത്തിയപ്പോഴാണ് ഇരുസ്ഥലങ്ങളിലെയും മോഷണ വിവരം പുറത്തറിഞ്ഞത്. പുത്തൻകാവ് ദേവീക്ഷേത്രത്തിൽ സ്ഥാപിച്ചിരുന്ന സി.സി.ടി.വിയിൽ മോഷ്ടാവിൻ്റെ ദൃശ്യങ്ങൾ പതിഞ്ഞിട്ടുണ്ട്.

തെളിവുകൾ ശേഖരിച്ച് പോലീസ് അന്വേഷണം ആരംഭിച്ചു. അതേ സമയം പ്രതിയെക്കുറിച്ച് ചില സൂചനകൾ ലഭിച്ചതായി പുളിക്കീഴ് പൊലീസ് പറഞ്ഞു.