തിരുവനന്തപുരം: മുഖ്യമന്ത്രി പിണറായി വിജയനെതിരെ ആളിപ്പടരുന്ന ജനവികാരത്തെ തുടർന്നാണ് സഖാക്കൾ പ്രതിഷേധവുമായി തെരുവിലിറങ്ങുന്നതെന്ന് കെപിസിസി പ്രസിഡൻറ് കെ.സുധാകരൻ.
പാർട്ടി നേതാക്കൾ ബിജെപിയിൽ ചേക്കേറുകയാണ്. ചേരിപ്പോരും തമ്മിലടിയും മുല്യച്യുതിയും ജീർണതയുമാണ് സിപിഎം നേരിടുന്ന രാഷ്ട്രീയ പ്രതിസന്ധിയെന്നും അതിനെതിരെ അവർ രംഗത്തുവന്നതിൽ അദ്ഭുതപ്പെടാനില്ലെന്നും കെ.സുധാകരൻ പറഞ്ഞു.
ഇത് മുഖ്യമന്ത്രി പിണറായി വിജയനും പാർട്ടി സെക്രട്ടറി എം.വി.ഗോവിന്ദനും എതിരായ അന്തിമ താക്കീതാണ്. ആലപ്പുഴ മുൻ ജില്ലാ പഞ്ചായത്ത് വൈസ് പ്രസിഡൻറ് ബിജെപിയിൽ ചേർന്നതും കരുനാഗപ്പള്ളിയിൽ പ്രതിഷേധിച്ചതും അതിൻ്റെ സൂചനയാണ്.'' - കെ.സുധാകരൻ ഓർമിപ്പിച്ചു.
''കേരളത്തിൽ സിപിഐഎമ്മും ബിജെപിയും ചേർന്ന് സിപിഐ മുന്നണിയാണ്. ഇത്രയും നാളും സിപിഎമ്മിനെതിരെ ഉന്നയിച്ച ആരോപണങ്ങളെല്ലാം അവരുടെ അണികൾ അടിവരയിടുകയാണ്. നേതാക്കളിലും അണികളിലും ഒരുപോലെ പ്രതിഷേധം പുകയുന്ന അഗ്നിപർവതമായി സിപിഎം മാറി. മുഖ്യമന്ത്രിയുടെ കുടുംബത്തിൻ്റെ സംരക്ഷണത്തിനായി സംഘപരിവാറിൻ്റെ ആലയിൽ സിപിഎമ്മിൻ്റെ നേതൃത്വത്തിൽ തളച്ചത്.
കമ്യൂണിസ്റ്റ് പ്രത്യയശാസ്ത്രത്തെ പോലും പണയപ്പെടുത്തി ഏതു കറുത്തശക്തിയോടും കൂട്ടുകൂടാൻ സിപിഎം നേതൃത്വം തയ്യാറായതിൻ്റെ ഫലമായി ബംഗാളിലുണ്ടായ തകർത്ത കേരളത്തിലും സിപിഎമ്മിനെ കാത്തിരിക്കുന്നു.'' - സുധാകരൻ തുറന്നടിച്ചു. വയനാട് ഉരുൾപൊട്ടൽ ദുരന്തബാധിതരുടെ പുനരധിവാസം നീണ്ടുപോകുന്നതിൽ പ്രതിഷേധിച്ച യൂത്ത് പ്രവർത്തകരെ തല്ലിച്ചതച്ച പൊലീസ് നടപടിയെയും കെ സുധാകരൻ എംപിയും ശക്തമായി പ്രതിഷേധിച്ചു
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ 🔰Dailymalayaly യുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.