ഇപി ആത്മകഥാ വിവാദം; അന്വേഷണ റിപ്പോര്‍ട്ട് മടക്കി ഡിജിപി, വീണ്ടും അന്വേഷിക്കാൻ നിര്‍ദേശം,, മൊഴികളിൽ അവ്യക്തതയെന്ന് റിപ്പോർട്ട്,

തിരുവനന്തപുരം: സിപിഎം കേന്ദ്ര കമ്മിറ്റി അംഗം ഇ പി ജയരാജന്റെ ആത്മകഥ വിവാദത്തില്‍ നിർണായക നടപടി. ഇപി ജയരാജന്റെ ആത്മകഥയുമായി ബന്ധപ്പെട്ട അന്വേഷണ റിപ്പോർട്ട് മടക്കി ഡിജിപി.

ഇപിയുടെ മൊഴിയിലും രവി ഡിസിയുടെ മൊഴിയിലും അവ്യക്തതയുണ്ടെന്ന് ചൂണ്ടിക്കാട്ടിയാണ് റിപ്പോർട്ട് മടക്കിയിരിക്കുന്നത്. ആത്മകഥ ചോർന്നത് ‍ഡിസിയില്‍ നിന്നെന്ന് അന്വേഷണ റിപ്പോർട്ടിലുള്ളത്.

എന്നാല്‍ എന്തിന് ചോർത്തിയെന്ന് റിപ്പോർട്ടില്‍ വ്യക്തതയില്ല. വീണ്ടും അന്വേഷിച്ച്‌ റിപ്പോർട്ട് നല്‍കാൻ കോട്ടയം എസ്പി ക്ക് ഡിജിപി നിർദേശം നല്‍കി.