കടലില്‍ കുളിക്കുന്നതിനിടെ അപസ്മാരം: കുഴഞ്ഞുവീണ വിദ്യാര്‍ത്ഥിക്ക് കൂട്ടുകാർ രക്ഷകരായി,

തൃശൂര്‍: കടലില്‍ കുളിക്കുന്നതിനിടെ അപസ്മാരമുണ്ടായതിനെ തുടർന്ന് വിദ്യാർത്ഥി കുഴഞ്ഞുവീണു. ഇന്ന് ഉച്ചക്ക് തൃശൂര്‍ ചാവക്കാട് കടലില്‍ കുളിക്കുന്നതിനിടെയാണ് സംഭവം.

കൂട്ടുകാര്‍ സമയോചിത ഇടപെടല്‍ നടത്തി വിദ്യാർത്ഥിയെ രക്ഷപ്പെടുത്തി. കോയമ്പത്തൂർ ഭാരതി ഹയർസെക്കന്‍ഡറി സ്കൂളിലെ പ്ലസ്‌ടു വിദ്യാർത്ഥി വി.എസ് ഗോകുലിനാണ് ചാവക്കാട് കടലില്‍ കുളിക്കുന്നതിനിടെ അപസ്മാരമുണ്ടായത്.

കടലില്‍ കുഴഞ്ഞുവീണ ഗോകുല്‍ അബോധാവസ്ഥയിലായി. കൂടെയുണ്ടായിരുന്ന സഹപാഠികളായ വിദ്യാർത്ഥികള്‍ ഗോകുലിനെ കരയ്ക്ക് എത്തിച്ച്‌ സിപിആർ നല്‍കി. പിന്നീട് ചാവക്കാട് ഹയാത്ത് ആശുപത്രിയില്‍ എത്തിച്ചു