തിരുച്ചി: മരിച്ചെന്ന് കരുതി സംസ്കാരത്തിന് ശ്മശാനത്തില് എത്തിച്ച അറുപതുകാരി അന്ത്യകർമങ്ങള് നടത്തുന്നതിന് നിമിഷങ്ങള് മാത്രം ശേഷിക്കെ ഉണർന്ന് ബഹളം വച്ചു.
മരുംഗപുരിക്ക് സമീപം സുരക്കൈപ്പട്ടിയിലെ പി ചിന്നമ്മാള് നവംബർ 16 ന് കീടനാശിനി കഴിച്ചിരുന്നു. ചികിത്സയ്ക്കായി മണപ്പാറയിലെ സ്വകാര്യ ആശുപത്രിയില് പ്രവേശിപ്പിച്ചു.
എന്നാല് ആരോഗ്യനില വഷളായതിനെ തുടർന്ന് ഡോക്ടര്മാര് അവരെ വീട്ടിലേയ്ക്ക് കൊണ്ടുപോകാന് നിര്ദേശിച്ചു എന്നാണ് റിപ്പോര്ട്ടുകള്. ഇന്നലെ രാവിലെ വീട്ടുകാർ അവളെ വീട്ടിലെത്തിച്ചു.
മരണാസന്ന നിലയില് വീട്ടിലെത്തിച്ചപ്പോഴും ചിന്നമ്മാള് തീർത്തും അബോധാവസ്ഥയിലായി മരിച്ചുവെന്ന് ബന്ധുക്കള് ഉറപ്പിച്ചു
ഉടൻ തന്നെ മൃതദേഹം ശ്മശാനത്തിലേക്ക് കൊണ്ടുപോയി അന്ത്യകർമ്മങ്ങള് ആരംഭിച്ചു. പെട്ടെന്ന് എല്ലാവരെയും ഞെട്ടിച്ചുകൊണ്ട് ചിന്നമ്മാള് കണ്ണുതുറന്നശേഷം എഴുന്നേറ്റ് ബഹളം വയ്ക്കുകയായിരുന്നു. ആംബുലൻസില് ചിന്നമ്മാളിനെ തിരുച്ചിറപ്പള്ളി സർക്കാർ ആശുപത്രിയിലെത്തിച്ച് ചികിത്സ നല്കി
ഇവരുടെ ബന്ധുക്കളാരും പരാതി നല്കിയിട്ടില്ലെന്നും വിഷയത്തില് കേസെടുത്തിട്ടില്ലെന്നും പൊലീസ് വൃത്തങ്ങള് വെളിപ്പെടുത്തി.
.jpg)
ഇവിടെ പോസ്റ്റു ചെയ്യുന്ന അഭിപ്രായങ്ങൾ Deily Malayali Media Publications Private Limited ന്റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും.
ഇന്ത്യന് സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായ അധിക്ഷേപങ്ങൾ, അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ, അശ്ലീല-അസഭ്യപദ പ്രയോഗങ്ങൾ ഇവ ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.