തെരുവുനായ കുറുകെ ചാടി, സ്കൂട്ടര്‍ മറിഞ്ഞ് ടിപ്പർ കയറിയിറങ്ങി യുവതിക്ക് ദാരുണാന്ത്യം,

കൊല്ലം: തെരുവുനായ കുറുകെ ചാടി യുവതിക്ക് ദാരുണാന്ത്യം. കൊല്ലം പാരിപ്പള്ളിയിലാണ് അപകടമുണ്ടായത്.

നായ കുറുകെ ചാടിയതോടെ സ്കൂട്ടർ നിയന്ത്രണം വിട്ട് മറിയുകയായിരുന്നു. തൊട്ടുപിന്നാലെ വന്ന ടിപ്പർ യുവതിയുടെ ശരീരത്തിലൂടെ കയറുകയായിരുന്നു.

ഗുരുതരമായി പരിക്കേറ്റ യുവതിയെ തിരുവനന്തപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.